దివ్యాంగులకు ఏపీ సర్కార్ దన్ను.. ‘దివ్యాంగ శక్తి’ కింద ఉచిత బస్సు ప్రయాణం

లాంఛనంగా ప్రారంభించిన జిల్లా కలెక్టర్, ఆర్టీసీ ఆర్.జి.ఎం, టీడీపీ నేత సోమశెట్టి వెంకటేశ్వర్లు, ​ఏటా రూ. 207 కోట్ల సబ్సిడీతో ప్రభుత్వ భరోసా ​కర్నూలు, ​ఆర్టీసీ బస్టాండ్ ప్రాంగణంలో ఘనంగా కార్యక్రమం ​పాల్గొన్న జిల్లా కలెక్టర్, ఆర్టీసీ ఆర్.జి.ఎం, టీడీపీ నేత సోమశెట్టి వెంకటేశ్వర్లు, తదితరులు ​కర్నూలు, మార్చి 18 (పున్నమి న్యూస్): సమాజ ప్రగతికి సమాన అవకాశాలే పునాది అనే సమున్నత లక్ష్యంతో రాష్ట్ర ప్రభుత్వం మరో బృహత్తర కార్యక్రమానికి శ్రీకారం చుట్టింది. దివ్యాంగుల ప్రయాణాన్ని సులభతరం చేస్తూ, వారిలో ఆత్మవిశ్వాసం నింపడమే లక్ష్యంగా “దివ్యాంగ శక్తి” పథకానికి రూపకల్పన చేసింది. ​ఈ పథకం ద్వారా రాష్ట్రంలోని దివ్యాంగులు ఏపీఎస్ఆర్టీసీకి చెందిన పల్లెవెలుగు, ఎక్స్‌ప్రెస్ బస్సుల్లో ఉచితంగా ప్రయాణించవచ్చు. ఈ ఉచిత ప్రయాణ సదుపాయం కల్పించడం కోసం రాష్ట్ర ప్రభుత్వం ఏటా రూ. 207 కోట్ల భారీ సబ్సిడీని భరిస్తూ దివ్యాంగులకు కొండంత భరోసాను ఇస్తోంది. ​అర్హతలు ఇవే.. RPwD చట్టం-2016 ప్రకారం గుర్తించిన 21 రకాల వైకల్యాలలో.. 40 శాతం లేదా అంతకంటే ఎక్కువ వికలాంగత్వం ఉన్న ప్రతి ఒక్కరూ ఈ పథకానికి అర్హులు అని ప్రభుత్వం స్పష్టం చేసింది. అర్హులైన వారు తమ గుర్తింపు కార్డులతో ఈ సదుపాయాన్ని వినియోగించుకోవచ్చని అధికారులు తెలిపారు. ​ఆర్టీసీ బస్టాండ్ ప్రాంగణంలో ఘనంగా వేడుక: దివ్యాంగ శక్తి పథకం ప్రారంభోత్సవం సందర్భంగా స్థానిక ఆర్టీసీ బస్టాండ్ ప్రాంగణంలో ప్రత్యేక సమావేశాన్ని ఘనంగా నిర్వహించారు. ఈ కార్యక్రమానికి జిల్లా కలెక్టర్, ఏపీఎస్ఆర్టీసీ రీజినల్ మేనేజర్ (RGM) తో పాటు తెలుగుదేశం పార్టీ నాయకులు శ్రీ సోమశెట్టి వెంకటేశ్వర్లు, ఇతర రాజకీయ ప్రముఖులు ముఖ్య అతిథులుగా హాజరయ్యారు. ​ఈ కార్యక్రమానికి దివ్యాంగులు పెద్ద ఎత్తున హాజరై తమ సంతోషాన్ని పంచుకున్నారు. ప్రయాణ ఖర్చుల భారం లేకుండా ఉచిత బస్సు ప్రయాణ సదుపాయం కల్పించిన ముఖ్యమంత్రి చంద్రబాబు నాయుడుకు, రాష్ట్ర ప్రభుత్వానికి వారు ప్రత్యేక కృతజ్ఞతలు తెలిపారు. Uploaded Video: