త్వరలోనే నుడా ఆధ్వర్యంలో నెల్లూరుకి రింగ్ రోడ్డు : చైర్మన్ కోటంరెడ్డి శ్రీనివాసులు రెడ్డీ

నెల్లూరుకు త్వరలోనే రింగ్రోడ్డు తీసుకొస్తామని నెల్లూరు అర్బన్ డెవలప్మెంట్ అథారిటీ చైర్మన్ కోటంరెడ్డి శ్రీనివాసులు రెడ్డి అన్నారు. గతంలో తాను కూడా చైర్మన్ గా పని చేసిన సమయంలో DPR సైతం సిద్ధం చేశామని.. తర్వాత అధికారంలోకి వచ్చిన వైసీపీ దాన్ని పట్టించుకోలేదని ఆగ్రహం వ్యక్తం చేశారు. నుడా కార్యాలయంలో సికాన్ ప్రవేట్ లిమిటెడ్ సభ్యులు మరియు నుడా అధికారులతో కోటంరెడ్డి శ్రీనివాసులు ప్రత్యేకంగా సమావేశం అయ్యారు. ఈ సందర్భంగా వారు రూపొందించిన DPR ప్రజెంటేషన్ కోటంరెడ్డి పరిశీలించారు. రెండు, మూడు మార్గాలను కోటంరెడ్డి కి వారు సూచించారు. దీనిపై మంత్రి నారాయణతో సమగ్రంగా చర్చిస్తామని కోటంరెడ్డి తెలిపారు.మంత్రి పొంగూరు నారాయణ, మాజీ ఉపరాష్ట్రపతి వెంకయ్య నాయుడు సహకారంతో నెల్లూరుకు రింగ్రోడ్డు తీసుకువచ్చేందుకు కృషి చేస్తానని హామీ ఇచ్చారు. మహానగరాలల్లో ఉన్న రింగ్ రోడ్డును నెల్లూరుకి తీసుకొచ్చి.. మంత్రుల చేతుల మీదుగా శంకుస్థాపన చేయిస్తామని.. కూటమి ప్రభుత్వం అధికారంలో ఉన్నప్పుడే పూర్తి చేయిస్తామని ఆయన వెల్లడించారు.