నెల్లూరు జిల్లా వ్యాప్తంగా శాంతిభద్రతల పరిరక్షణ, నేర నియంత్రణ లక్ష్యంగా జిల్లా ఎస్.పి. డా. అజిత వేజెండ్ల, IPS ఆదేశాల మేరకు పోలీసులు ప్రత్యేక నాకా బంది కార్యక్రమం నిర్వహించారు. రాత్రి వేళల్లో అసాంఘిక కార్యకలాపాలపై కట్టడి చేయడం, రౌడీయిజం, దొంగతనాలు, గంజాయి వినియోగం వంటి నేరాలను అరికట్టడం కోసం ఈ చర్యలు చేపట్టారు.
మార్చి 26, 2026 రాత్రి 8.30 గంటల నుంచి 10.00 గంటల వరకు జిల్లా వ్యాప్తంగా అన్ని ముఖ్య కూడళ్లు, బస్టాండ్లు, రైల్వే స్టేషన్లు, హైవేలు, ప్రవేశ–నిష్క్రమణ ప్రాంతాల్లో 210 మంది పోలీసు అధికారులు, సిబ్బందితో ప్రత్యేక బృందాలు నాకా బంది నిర్వహించాయి. అనుమానితుల ఇళ్లు, షాపులు మరియు క్రైమ్ ప్రోన్ ఏరియాలపై ప్రత్యేక దృష్టి సారించారు.
ఈ తనిఖీల్లో మొత్తం 1502 వాహనాలను పరిశీలించగా, ఓపెన్ డ్రింకింగ్కు సంబంధించిన 19 కేసులు, డ్రంక్ అండ్ డ్రైవ్కు 33 కేసులు నమోదు చేశారు. అదనంగా 3 వాహనాలను సీజ్ చేసి, మోటార్ వెహికల్ యాక్ట్ కింద 39 కేసులు నమోదు చేసి మొత్తం ₹1,41,540 జరిమానా విధించారు.
రౌడీ షీటర్లు మరియు అనుమానాస్పద వ్యక్తులపై నిఘా మరింత పెంచాలని ఎస్.పి. ఆదేశించారు. ముఖ్యంగా రాత్రి వేళల్లో పట్టణ ప్రాంతాల్లో రౌడీయిజం, దౌర్జన్యాలపై కఠిన చర్యలు తీసుకోవాలని సూచించారు. డ్రోన్ కెమెరాల ద్వారా క్రైమ్ ప్రోన్ ప్రాంతాల్లో పర్యవేక్షణ కొనసాగిస్తూ, గంజాయి వినియోగం, పేకాట, ఈవ్ టీజింగ్, చైన్ స్నాచింగ్, దొంగతనాలు వంటి నేరాలను అరికట్టేందుకు చర్యలు తీసుకుంటున్నారు.
అంతర్జిల్లా పోలీసుల సమన్వయంతో సమాచారం మార్పిడి చేస్తూ, జిల్లా సరిహద్దుల్లో పటిష్టమైన తనిఖీలు ఏర్పాటు చేసి అక్రమ రవాణా నియంత్రణకు చర్యలు చేపడుతున్నారు.
ప్రజలు ఎలాంటి అసాంఘిక కార్యకలాపాల సమాచారం ఉన్నా వెంటనే స్థానిక పోలీస్ స్టేషన్కు లేదా డయల్ 100/112 లేదా కంట్రోల్ రూమ్ నెంబర్ 9392903143కు తెలియజేయాలని పోలీసులు కోరారు. ప్రజల సహకారంతోనే పూర్తి స్థాయి నేర నియంత్రణ సాధ్యమని తెలిపారు.
జిల్లాలో శాంతిభద్రతలు నెలకొల్పడం, ప్రజలు భయభ్రాంతులు లేకుండా జీవించేందుకు భద్రత కల్పించడం పోలీసుల ప్రధాన లక్ష్యమని అధికారులు స్పష్టం చేశారు.
