క్రైమ్ విభాగంలో కీర్తి గడించిన రిటైర్డ్ ఎస్‌ఐ నాటకంసుధాకర్ గారు ఇక లేరు

*07.04.2026 నెల్లూరు ఉమ్మడి నెల్లూరు జిల్లాలో పోలీస్ శాఖలో ఎక్కువ శాతం క్రైమ్ విభాగంలో సేవలందించి సబ్ ఇన్స్పెక్టర్గా రిటైర్డ్ కాబడిన నాటకం సుధాకర్ గారు ఈరోజు హైదరాబాద్ అపోలో హాస్పిటల్ నందు మరణించడం జరిగిందని, రిటైర్డ్ సబ్ ఇన్స్పెక్టర్ సుధాకర్ గారి మరణం జీర్ణించుకోలేకపోతున్నామని ఏపీజిఈఎఫ్ మరియు ఏపీ హంస జిల్లా అధ్యక్షులు చేజర్ల సుధాకర్ రావు అన్నారు. పోలీస్ డిపార్ట్మెంట్లో క్రైమ్ విభాగంలో నేరస్తుల గుండెల్లో గుబులు పుట్టించి పోలీస్ డిపార్ట్మెంట్ కి వన్నెతెచ్చిన నాటకం సుధాకర్ గారు ఇండియన్ పోలీస్ మెడల్ సాధించడంతోపాటు 252 అవార్డులు రివార్డులు అందుకోవడం జరిగిందని, 24 గంటలు డ్యూటీ డ్యూటీ అని పరితపించే గొప్ప వ్యక్తిని, అదేవిధంగా అనేక మంది పేద ప్రజలకు ఆర్థికంగా సహాయపడటం పలువురిని చదివించడం, కుటుంబ కలహాలు వచ్చినప్పుడు అవి పరిష్కరించి వారిని ఒకటి చేయడం ఇలా సమాజంలో ఎంతో మందికి సహాయపడ్డారని, తనకు తెలిసిన వారు ఎవరికీ బాగా లేకపోయినా ఎవరు చనిపోయినా నన్ను ఆహ్వానించలేదు అని అనుకోకుండా ఎంత దూరమైనా వెళ్లి ఆ కుటుంబ సభ్యుల్ని పరామర్శించి వారికి ధైర్యం చెప్పి వారికి సహాయం చేసి వచ్చే గొప్ప వ్యక్తిత్వం కలిగిన వారు సుధాకర్ గారు అని విధినిర్వహణలోను అదేవిధంగా కమ్యూనిటీ కి ఎంతో తోడ్పాటును అందించిన నాటకం సుధాకర్ గారి మరణం జీర్ణించుకోలేకపోతున్నామని సుధాకర్ అన్న ఆత్మకు శాంతి చేకూరాలని దేవుని ప్రార్థిస్తూ వారి కుటుంబ సభ్యులకు ప్రగాఢ సానుభూతిని తెలియజేశారు. రేపు 08.04.2026 బుధవారం మధ్యాహ్నం మూడు గంటలకు బుజబుజ నెల్లూరు అంబేద్కర్ కాలనీ వారి నివాసం వద్ద నుండి పార్థివ దేహం అంతిమయాత్ర బయలుదేరుతుందని అన్నారు*