అనకాపల్లి జిల్లా, ఫిబ్రవరి 12, పున్నమి న్యూస్ ప్రతినిధి ఆనంద్:
ఏటికొప్పాక గ్రామంలో గ్రామ సర్పంచ్ శ్రీమతి భజంత్రీల లక్ష్మీ గారి ఆధ్వర్యంలో నిర్వహించిన ఉచిత హెల్త్ క్యాంప్ గ్రామస్థుల ప్రశంసలు అందుకుంది. ఈ శిబిరంలో కంటి పరీక్షలు నిర్వహించి అవసరమైన దాదాపు 70 మంది లబ్ధిదారులకు ఉచితంగా కళ్లద్దాలు పంపిణీ చేశారు. సర్పంచ్ భజంత్రీల లక్ష్మీ గారి చేతుల మీదుగా కళ్లద్దాలు అందజేయడం విశేషంగా నిలిచింది. గ్రామ ప్రజల ఆరోగ్యంపై ప్రత్యేక శ్రద్ధతో ఈ కార్యక్రమాన్ని నిర్వహించినట్లు ఆమె తెలిపారు. కార్యక్రమంలో ఉప సర్పంచ్ కర్రి సింహాచలం, వార్డ్ మెంబర్స్ నాయుడు మాస్టర్, ఇసరపు శ్రీను, ఎర్రంచెట్టి శ్రీను, సర్పంచ్ కుమారుడు భజంత్రీల శ్రీను, గ్రామ పెద్దలు మరియు కూటమి నాయకులు పాల్గొన్నారు. ఈ శిబిరం ద్వారా గ్రామ ప్రజలకు మెరుగైన దృష్టి, ఆరోగ్య అవగాహన కలిగించడమే లక్ష్యమని నిర్వాహకులు పేర్కొన్నారు.
