ఆరవ తరగతి బాలికపై జనసేన నాయకుడు లైంగిక వేధింపులు బాణాపురం లో దారుణం

డాక్టర్ బి.ఆర్ అంబేద్కర్ కోనసీమ జిల్లా ఐపోలవరం మండలం బాణాపురంలో అమానుష సంఘటన చోటుచేసుకుంది ఈ సంఘటనకు సంబంధించిన వివరాలు ఈ విధంగా ఉన్నాయి. ఐ పోలవరం మండలం బాణాపురంలో ఆరో తరగతి చదువుతున్న ఒక బాలికను అదే గ్రామానికి చెందిన జనసేన క్రియాశీలక సభ్యుడు రాయపురెడ్డి సత్య వెంకటకృష్ణ అలియాస్ బాబి అనే వ్యక్తి లైంగికంగా వేధించాడని ఆమె తల్లి పోలీసులకు ఫిర్యాదు చేసింది. గతంలో ఆ చిన్నారి చదువుతున్న స్కూల్లో పి ఈ టి గా పని చేసే ఆ వ్యక్తి చిన్నారికి చాక్లెట్లు కొనిచ్చి రూమ్ కి పిలిచి మీద చేయి వేసి లైంగికంగా వేధించేవాడని ఆ చిన్నారి ఆమె తల్లికి చెప్పడంతో ఈ అమానుష సంఘటన వెలుగులోకి వచ్చింది. ఈ విషయంపై ఆమె తల్లి అమలాపురం డి.ఎస్.పి కి ఫిర్యాదు చేయడంతో ఎస్పీ ఆదేశాలతో ఐ పోలవరం ఎస్ఐ రవీంద్రబాబు క్రైమ్ నెంబర్725/2025 సెక్షన్65(2),BNS సెక్షన్ 6 పోక్సో చట్టం కింద కేసు నమోదు చేయడం జరిగింది. ఈ సంఘటనతో ఆ గ్రామంలో ఉదృత వాతావరణం నెలకొంది తన చిన్నారిపై లైంగిక వేధింపులకు గురి చేసిన ఆ వ్యక్తిని కఠినంగా శిక్షించాలని ఇటువంటి అమానుష పనులు చేసే కామాంధులను ఉరితీయాలని ఆమె తల్లి మీడియా ను కోరింది.