శ్రీకాకుళం, ఆగస్టు 18:ఆగస్టు నెల ప్రారంభం నుంచే ప్రజలకు వరుసగా పండుగలతో పాటు ఆదివారాలు కలిసిపోవడంతో సెలవుల సందడి నెలకొంది. ఈ క్రమంలో ఇప్పుడు భారీ వర్షాల కారణంగా మరో సెలవు జోడైందని చెప్పాలి.ఆగస్టు 8న వరలక్ష్మి వ్రతం, 9న రక్షా బంధన్, 10న ఆదివారం రావడంతో మూడు రోజుల వరుస సెలవులు లభించాయి. వెంటనే 15న స్వాతంత్ర్య దినోత్సవం, 17న ఆదివారం, 16న కృష్ణాష్టమి కారణంగా మరిన్ని సెలవులు వచ్చాయి. ఇక ఈరోజు కురుస్తున్న భారీ వర్షాల దృష్ట్యా జిల్లాలోని అన్ని పాఠశాలలకు సెలవు ప్రకటించడంతో విద్యార్థులకు అదనపు విశ్రాంతి లభించింది. ఈనెల 27న వినాయక చవితి, ముందు రోజు ఆదివారం రావడంతో నెలాఖరులో కూడా వరుస సెలవులు లభించనున్నాయి.ఈ వరుస సెలవులతో విద్యార్థులు, ఉద్యోగులు, కుటుంబ సభ్యులు అందరూ ఉత్సాహంగా గడుపుతున్నారు. రైతాంగం కూడా వర్షాల కారణంగా పంటల పెరుగుదలపై ఆశలు పెంచుకుంది. మొత్తానికి ఈ ఆగస్టు నెల పండుగలు, ఆదివారాలు, వర్షాలతో ఆనందోత్సవ మాసంగా మారింది. 🌸🌧️🇮🇳🐘