స్వాతంత్ర్య దినోత్సవం సందర్భంగా శ్రీకాకుళం జిల్లా శిష్టకరణ సంఘం అధ్యక్షులు డబ్బీరు శ్రీనివాస్ (వాసు) ఆధ్వర్యంలో, స్థానిక అంబేడ్కర్ కూడలిలోని పిజె. నాయుడు రక్తనిధి కేంద్రంలో రక్తదాన శిబిరం నిర్వహించారు.ఈ శిబిరంలో వాసు మిత్రబృందం సభ్యులు పాల్గొని రక్తదానం చేశారు. ఈ సందర్భంగా వాసు మాట్లాడుతూ, “రక్తదానం ప్రాణాధానం. రక్తదానం ద్వారా ప్రాణాలను నిలిపే మిత్రులు దొరకడం అదృష్టంగా భావిస్తున్నాను” అన్నారు.విశిష్ట అతిథిగా పాల్గొన్న లయన్ పొన్నాడ రవి కుమార్ మాట్లాడుతూ, “శ్రీకాకుళం వజ్రోత్సవ వేడుకలలో భాగంగా మంచి కార్యక్రమం చేయాలనే ఆలోచన గొప్పది. సామాజిక బాధ్యతతో ముందుకు వచ్చి రక్తదానం చేసిన వాసు బృందానికి ప్రత్యేక ధన్యవాదాలు” తెలిపారు.తరువాత రక్తదాతలకు రక్తనిధి కేంద్ర నిర్వాహకులు డా. పిజె. నాయుడు, వాసు, పొన్నాడ రవి కుమార్, జిల్లా ఎన్.జి.ఓ. సంఘం అధ్యక్షులు హనుమంతు సాయిరాం, ట్రాఫిక్ ఎస్ఐ మెట్ట సుధాకర్ జ్ఞాపికలు అందించి సత్కరించారు.ఈ కార్యక్రమంలో రక్తదాతలు, వాసు మిత్రబృందం, రక్తనిధి కేంద్ర సిబ్బంది పాల్గొన్నారు.