* సర్పంచ్, ఉప సర్పంచ్ లకు ఉమ్మడిగా చెక్ పవర్ –రద్దు వార్తలు అవాస్తవం – పార్టీలకు అతీతంగా పల్లెల అభివృద్ధి. –కాంగ్రెస్ అభివృద్ధి, సంక్షేమ పథకాలపై బి ఆర్ ఎస్ నేతల అవాస్తవాలు: కే ఎల్ ఆర్ *

పున్నమి రంగారెడ్డి జిల్లా ప్రతినిధి( సంగిశెట్టి ధనుంజయ్ ) డిసెంబర్ 24 : తెలంగాణ కాంగ్రెస్ ప్రభుత్వం, సీఎం రేవంత్ రెడ్డి అందిస్తున్న అనేక సంక్షేమ, అభివృద్ధి కార్యక్రమాల్లో పాల్గొంటూ… అవాస్తవాలు, సత్య దూరమైన ప్రకటనలు చేస్తున్నారని బిఆర్ఎస్ నేతలపై లక్ష్మారెడ్డి మండిపడ్డారు.మహేశ్వరం నియోజకవర్గంలో గంగపుత్రులు, ముదిరాజులు, చేపల పెంపకంపై ఆధారపడ్డ కుటుంబాలకు చేయుతనివ్వాలని కాంగ్రెస్ ప్రభుత్వం భావిస్తుందని అన్నారు.ప్రతీ ఇంటికి ఉచిత విద్యుత్, రేషన్ సన్నబియ్యం – కార్డులు, బస్సు ప్రయాణం, మహిళా రుణాలు, రైతు భరోసా, రుణమాఫీ, గ్యాస్ సిలిండర్, లక్షలాది మంది రోగులకు సీఎంఆర్ఎఫ్ , ఇందిరమ్మ ఇళ్లు అందిస్తున్నామని చెప్పారు ప్రజాపాలనలో సంక్షేమ పథకాలు పేదలకు అందిస్తూనే.. రాష్ట్ర అభివృద్ధికి ఎక్కడా డోకా లేకుండా సాగునీటి ప్రాజెక్టులు, రోడ్ల విస్తరణ, ఫ్యూచర్ సిటి పనులు, విద్య – వైద్యం, ఉద్యోగ – ఉపాధికి పెద్ద పీట వేస్తున్నామని కిచ్చెన్న స్పష్టం చేశారు.