శేషాచలం అడవుల్లో పెద్దపులి సంచారం

చిట్వేలి ఆగస్టు పున్నమి ప్రతినిధి ఉమ్మడి కడప జిల్లా చిట్వేలి శేషాచలం అడవుల్లో పెద్దపులి దర్శనమిచ్చింది. ఇటీవల రేంజ్ అధికారులు ఏర్పాటు చేసిన 30 ట్రాప్ కెమెరాల్లో పగలు, రాత్రి పులుల సంచారం రికార్డు అయ్యింది. రెండు నుంచి మూడు పులులు ఈ ప్రాంతంలో తిరుగుతున్నాయని అటవీ అధికారులు చెబుతున్నారు. ఇవి శ్రీశైలం టైగర్ ప్రాజెక్ట్ నుంచి నల్లమల–శేషాచలం కారిడార్ ద్వారా వచ్చి ఉండవచ్చని భావిస్తున్నారు. దీంతో ఈ అడవుల్లో పులుల సంచారం పెరిగే అవకాశముందని అంచనా.