శబరిమల యాత్రకు కందుల శివప్రసాద్ చౌదరి – బుధవారం పయనానికి ఏర్పాట్లు పూర్తిచేసిన మండల ప్రముఖుడు

మండలంలోని ప్రముఖ సామాజిక సేవకుడు, రాజకీయ నేత కందుల శివప్రసాద్ చౌదరి ఈ ఏడాదికీ అయ్యప్ప మాలధారిగా శబరిమల యాత్రకు సిద్ధమయ్యారు. దీక్షను భక్తిభావంతో కొనసాగిస్తూ, వచ్చే బుధవారం (నవంబర్ 26) ఇరుముడి కట్టుకుని శబరిమలకు బయలుదేరనున్నారు. బుధవారం ఉదయం ఆయన నివాసంలో మిత్రులు, బంధువులు, శ్రేయోభిలాషుల సమక్షంలో ప్రత్యేక పూజల మధ్య ఇరుముడి కట్టే కార్యక్రమం జరగనుంది. అనంతరం “స్వామియే శరణం అయ్యప్ప” నినాదాలతో శబరిమల యాత్రను ప్రారంభించేందుకు అన్ని ఏర్పాట్లు పూర్తి చేశారు. శుభాకాంక్షల సందడి శివప్రసాద్ చౌదరి యాత్ర సిద్ధత నేపథ్యంలో స్థానిక నాయకులు, పార్టీ కార్యకర్తలు, గ్రామ పెద్దలు, మిత్రులు పెద్ద సంఖ్యలో ఆయనను కలిసి శుభాకాంక్షలు తెలియజేశారు. అయ్యప్ప స్వామివారి అనుగ్రహంతో యాత్ర సజావుగా సాగి, స్వామి దర్శనం చేసుకుని ఆరోగ్యంగా తిరిగి రావాలని ఆకాంక్షించారు. భక్తి మార్గంలో ముందంజ వేస్తున్న శివప్రసాద్ చౌదరికి ప్రజలు, అభిమానులు అభినందనలు తెలియజేశారు.