దేశంలో వీధి కుక్కలు, పశువుల సమస్యపై సుప్రీంకోర్టు గంభీరంగా స్పందించింది. జాతీయ రహదారులు, హైవేలు, ఎక్స్ప్రెస్వేలపై తిరుగుతున్న నిరాశ్రయ జంతువులను వెంటనే తొలగించాలని ఆదేశాలు జారీ చేసింది. తరలించిన జంతువులకు తగిన సంరక్షణ, ఆహారం, ఆశ్రయం కల్పించడం తప్పనిసరిగా చూడాలంటూ స్పష్టం చేసింది.
అధికారులు ఈ ఆదేశాలను నిర్లక్ష్యం చేస్తే వ్యక్తిగత చర్యలు తప్పవని సుప్రీంకోర్టు హెచ్చరించింది. ఎనిమిది వారాల్లోగా అమలు విధానం, తీసుకున్న చర్యలపై వివరణాత్మక రిపోర్ట్ సమర్పించాలని ఆదేశించింది.
సుప్రీంకోర్టు ఈ నిర్ణయం పౌర భద్రతతో పాటు జంతు సంక్షేమాన్ని కాపాడే దిశగా తీసుకున్న కీలక నిర్ణయంగా భావిస్తున్నారు.
