లక్ష చీరలతో గణనాధుడు
ఆగస్టు 25 పున్నమి ప్రతినిధి @
గాజువాకలో వినాయక నవరాత్రి ఉత్సవాలు చాలా ఘనంగా నిర్వహిస్తారు. చాలా ప్రత్యేకమైన, వినూత్నమైన వినాయక విగ్రహాలను ఏర్పాటు చేయటంలో గాజువాకకు చాలా ప్రత్యేకమైన స్థానం ఉంది. అంతేకాదు ఇప్పటివరకు ఎత్తైన 117అడుగుల విగ్రహాన్ని ప్రతిష్టించిన ఘనత కూడా గాజువాకకే దక్కింది. అయితే ఈ సారి కూడా గాజువాకలో లకా గ్రౌండ్స్ లో శ్రీ సుందర వస్త్ర మహా గణేష పేరుతో ఈసారి లక్ష చీరలతో 90 అడుగుల గణనాథుడిని గణేశ నవరాత్రి వేడుకలకు సిద్ధం చేశారు.
ఈ గణనాథుడిని రూపొందించడానికి ముంబై, చెన్నై, సూరత్ తదితర ప్రాంతాల నుండి చీరలను సేకరించారు. అయితే ఈసారి గణేశ నవరాత్రుల సందర్భంగా ఏర్పాటు చేసే వినాయకుడిని రెండు మూడు రకాల ఆహార పదార్థాలతో తయారు చేయాలని భావించినా, ఆ తర్వాత ఆహార పదార్థాలు పాడైపోతాయి అన్న ఆలోచనతో చీరలతో గణనాధుని తయారు చేయాలని నిర్ణయించారు. అదేవిధంగా లక్ష చీరలతో చాలా చక్కని అందమైన 90 అడుగుల గణనాథుడిని రూపొందించారు.
