వాసన్ ఐ కేర్ హాస్పిటల్ (ఏ ఎస్ జి హాస్పిటల్స్ ప్రైవేట్ లిమిటెడ్ యూనిట్) రాజమండ్రిలో తన కొత్త బ్రాంచ్ను ఘనంగా ప్రారంభించింది. కటారిగార్డెన్లో, కిమ్స్ హాస్పిటల్ సమీపంలో ప్రారంభమైన ఈ కేంద్రం ద్వారా రాజమండ్రి మరియు పరిసర ప్రాంతాల ప్రజలకు ఆధునిక, అందుబాటులో ఉండే సమగ్ర కంటి చికిత్స సేవలను అందించాలనే లక్ష్యంతో ముందుకు వచ్చింది.
దేశవ్యాప్తంగా 87 నగరాల్లో 172కు పైగా శాఖలతో విస్తరించిన ఏ ఎస్ జి ఐ హాస్పిటల్స్ నెట్వర్క్లో భాగమైన ఈ ఆసుపత్రి, రెండు దశాబ్దాల అనుభవంతో అత్యాధునిక సాంకేతికత, నిపుణులైన వైద్యులతో ఉన్నత ప్రమాణాల చికిత్స అందిస్తోంది. రాజమండ్రి శాఖ ప్రారంభం ద్వారా ఆంధ్రప్రదేశ్లో నాణ్యమైన కంటి సంరక్షణ సేవలను మరింత విస్తరించాలనే సంకల్పాన్ని సంస్థ వ్యక్తం చేసింది.
కొత్తగా ప్రారంభించిన ఈ కేంద్రంలో కంటిశుక్లం (ఫాకో సర్జరీ), గ్లాకోమా నిర్ధారణ మరియు చికిత్స, లాసిక్ & రిఫ్రాక్టివ్ సర్జరీ, రెటినా సేవలు (డయాబెటిక్ రెటినోపతి, రాప్ ), కార్నియా వ్యాధులు, పిల్లల కంటి వైద్యం, ఆక్యులోప్లాస్టీ, న్యూరో ఆఫ్తాల్మాలజీ, అంబ్లయోపియా నిర్వహణ, అత్యవసర కంటి గాయాల చికిత్స వంటి అన్ని సేవలు ఒకే చోట అందుబాటులో ఉన్నాయి. ఆధునిక ఆపరేషన్ థియేటర్లు, అత్యాధునిక నిర్ధారణ పరికరాలు, అనుభవజ్ఞులైన నేత్ర వైద్యులు, శిక్షణ పొందిన సిబ్బంది ద్వారా రోగులకు భద్రతతో కూడిన నాణ్యమైన సేవలు అందిస్తారు.
ప్రారంభోత్సవ కార్యక్రమంలో ఎమ్మెల్యే ఆదిరెడ్డి శ్రీనివాస్ , మాజీ మంత్రి గోరంట్ల బుచయ్య చౌదరి , బీజేపీ నేత దగ్గుబాటి పురందేశ్వరి , కందుల దుర్గేష్ మరియు అత్తి సత్యనారాయణ పాల్గొని ఆసుపత్రి సేవలను అభినందించారు.
ఈ సందర్భంగా డా. వరప్రసాద్, డా. నేహా కమలిని, డా. ఉమా మహేశ్వరరావు, డా. మణిమాల, డా. ఆడపా శ్రీ మోనికలు ప్రసంగిస్తూ కేంద్రంలో అందుబాటులో ఉన్న అత్యాధునిక చికిత్సలు మరియు సేవల గురించి వివరించారు. ఈ శాఖ ప్రారంభంతో స్థానిక ప్రజలు ఇకపై మెట్రో నగరాలకు వెళ్లాల్సిన అవసరం లేకుండా, రాజమండ్రిలోనే ప్రపంచ స్థాయి కంటి చికిత్స పొందే అవకాశాన్ని పొందారు.
ప్రారంభోత్సవ సందర్భంగా పరిమిత కాలం పాటు ఉచిత కంటి పరీక్షలు, కటారాక్ట్ పరీక్షలు, కన్సల్టేషన్ సేవలు అందిస్తున్నట్లు ఆసుపత్రి ప్రకటించింది. అందుబాటు ధరలు, ఇన్సూరెన్స్ మరియు క్యాష్లెస్ సౌకర్యాలతో సేవలు అందించనున్నట్లు నిర్వాహకులు తెలిపారు.
వాసన్ ఐ కేర్ హాస్పిటల్ ప్రతి సంవత్సరం లక్షలాది మంది రోగులకు సాంకేతికత ఆధారిత నాణ్యమైన కంటి సేవలను అందిస్తూ తన సేవలను విస్తరించుకుంటోంది.
