మార్కాపురం ప్రమాదం విషాదం – చిన్నయ్య మృతదేహం స్వగ్రామానికి చేరిక

కలిగిరి, మార్చి (పున్నమి ప్రతినిధి) మార్కాపురం సమీపంలో జరిగిన ట్రావెల్స్ బస్సు ప్రమాదంలో మృతి చెందిన ఆత్మకూరు చిన్నయ్య మృతదేహం కలిగిరి మండలం నాగసముద్రం గ్రామానికి చేరడంతో విషాద వాతావరణం నెలకొంది. మృతదేహాన్ని చూసి కుటుంబ సభ్యులు, కుమార్తెలు, స్థానికులు బోరున విలపించారు. ఈ సందర్భంగా టిడిపి నాయకులు నివాళులు అర్పించారు. కాకర్ల సురేష్ ఆదేశాల మేరకు కాకర్ల చారిటబుల్ ట్రస్ట్ ద్వారా తక్షణ ఆర్థిక సాయం అందించారు. కుటుంబానికి అండగా ఉంటామని, పిల్లల చదువు, భవిష్యత్తుకు సహాయం చేస్తామని నాయకులు హామీ ఇచ్చారు.