భక్తిశ్రద్ధలతో కుంభాభిషేక మహోత్సవం.. అన్నదానంలో పాల్గొన్న మాజీ ఎమ్మెల్యే ఎస్.సి.వి.

ఏర్పేడు, మార్చి 27 (పున్నమి న్యూస్): ఏర్పేడు మండలం, పాపా నాయుడు పేట గ్రామంలో వెలసిన శ్రీరాముల వారి ఆలయ కుంభాభిషేక మహోత్సవం శ్రీరామనవమి పర్వదినం సందర్భంగా అత్యంత వైభవంగా జరిగింది. ఈ ఆధ్యాత్మిక కార్యక్రమానికి శ్రీకాళహస్తి మాజీ ఎమ్మెల్యే ఎస్.సి.వి. నాయుడు ముఖ్య అతిథిగా హాజరయ్యారు. ఆలయానికి విచ్చేసిన ఎస్.సి.వి. నాయుడుకు ఆలయ నిర్వాహకులు సాదర స్వాగతం పలికారు. అనంతరం ఆయన స్వామివారికి విశేష పూజలు నిర్వహించి, మొక్కులు చెల్లించుకున్నారు. ఈ సందర్భంగా పండితులు ఆయనకు శేష వస్త్రంతో ఘనంగా సత్కరించి, తీర్థప్రసాదాలను అందజేశారు.పూజా కార్యక్రమాల అనంతరం ఆలయ ప్రాంగణంలో ఏర్పాటు చేసిన అన్నదాన కార్యక్రమంలో ఆయన స్వయంగా పాల్గొని భక్తులకు ప్రసాదాన్ని వడ్డించారు. ఈ కార్యక్రమంలో తెలుగుదేశం పార్టీ నాయకులు గోగినేని భాస్కర్ నాయుడు, మాజీ కౌన్సిలర్ అంజూరు సుధాకర్, కయ్యూరి శివ, పెద్ద సంఖ్యలో గ్రామస్తులు, భక్తులు పాల్గొన్నారు.