బ్రహ్మకుమారీస్ అనేది ప్రపంచవ్యాప్తంగా ప్రసిద్ధి చెందిన ఆధ్యాత్మిక సంస్థ. 1936లో దాదా లేఖరాజ్ (ప్రజాపిత బ్రహ్మ) స్థాపించిన ఈ సంస్థ, రాజయోగ ధ్యానం ద్వారా మనశ్శాంతి, ఆత్మజ్ఞానం, నైతిక విలువలను పెంపొందించడాన్ని ప్రధాన లక్ష్యంగా పెట్టుకుంది. ఈ సంస్థ ప్రత్యేకత ఏమిటంటే, మహిళలకు నాయకత్వ స్థానం కల్పించడం. స్త్రీ శక్తిని ప్రోత్సహిస్తూ సమాజంలో సానుకూల మార్పు తీసుకురావడంలో ఇది కీలక పాత్ర పోషిస్తోంది.
ప్రపంచంలోని 100కి పైగా దేశాలలో వేలాది కేంద్రాలతో బ్రహ్మకుమారీస్ విస్తరించింది. ఉచితంగా ధ్యాన శిక్షణలు, ఆధ్యాత్మిక తరగతులు, సదస్సులు నిర్వహిస్తూ ప్రతి వర్గానికి చేరువవుతోంది. ఒత్తిడి తగ్గించడం, మనసును ప్రశాంతంగా ఉంచడం, సానుకూల ఆలోచనలను పెంపొందించడం వంటి అంశాల్లో ఈ సంస్థ ప్రత్యేక మార్గదర్శకత్వాన్ని అందిస్తోంది. “మనసును శాంతంగా ఉంచితే జీవితం సుఖంగా ఉంటుంది” అనే సందేశంతో బ్రహ్మకుమారీస్ లక్షలాది మందికి ప్రేరణగా నిలుస్తోంది అని పద్మ సిస్టర్ తెలిపారు
