బీసీ రిజర్వేషన్ ల మీద బిజెపి యువనేత స్పందన

ఖమ్మం పున్నమి ప్రతినిధి
(ఖమ్మం రూరల్ మండలం)
బిసి రిజర్వేషన్ ల మీద బీజేపీ ఖమ్మం జిల్లా యువ నాయకులు వల్లాల రమేష్ యాదవ్ మాట్లాడుతూ ఆనాడు ఎన్నికల సమయంలో కాంగ్రెస్ పార్టీ బీసీ డిక్లరేషన్ పేరుతో స్థానిక సంస్థల్లో బీసీలకు 42 శాతం రిజర్వేషన్లు కల్పిస్తాం, రెండో విడత గొర్రెలు పంపిణీ చేస్తాం, బీసీలకు బడ్జెట్లో ప్రతి ఏటా 20 వేల కోట్లు కేటాయిస్తాం, బీసీ బిడ్డలు వ్యాపారం చేసుకోవడం కోసం కానీ చదువు కోసం కానీ 10 లక్షల వరకు రుణాలు ఇప్పిస్తామని చెప్పింది, ఈ కాంగ్రెస్ పార్టీ అధికారంలోకి వచ్చి సుమారు ఏడాదిన్నర కావస్తున్నా ఇంకా ఇచ్చినటువంటి ఏ ఒక్క హామీని నెరవేయకుండా బీసీలను మోసం చేస్తుందనిఅని అన్నారు, కాంగ్రెస్ పార్టీకి బీసీల పట్ల చిత్తశుద్ధి ఉంటే ఇచ్చినటువంటి హామీలను నెరవేర్చాలని అదే విధంగా ఈ రాష్ట్రానికి ఒక బీసీ బిడ్డను ముఖ్యమంత్రిని చేయాలని రమేష్ కాంగ్రెస్ పార్టీని డిమాండ్ చేశారు, కాంగ్రెస్ అబద్దాలను నమ్మి మోసపోయిన బీసీ బిడ్డలు రానున్న స్థానిక సంస్థల ఎన్నికల్లో కాంగ్రెస్ పార్టీకి బుద్ధి చెబుతారని వల్లాల రమేష్ యాదవ్ అన్నారు