అక్టోబర్ 07 పున్నమి ప్రతినిధి నిర్మల్ జిల్లా
బాసర మాస్టర్ ప్లాన్‌లో భాగంగా చేపట్టనున్న అభివృద్ధి పనులకు మార్గం సుగమం చేసేందుకు బాసర పోలీస్ స్టేషన్‌ను తాత్కాలిక భవనానికి తరలించేందుకు జరుగుతున్న ఏర్పాట్లను భైంసా ASP సాయి కిరణ్, IPS పరిశీలించారు.
R&B అధికారులు, NCC ప్రతినిధులు, బాసర SHO ఇన్‌స్పెక్టర్ దీపక్ మరియు ఇతర అధికారులతో కలిసి తాత్కాలిక పోలీస్ స్టేషన్ భవనాన్ని సందర్శించిన ASP, ప్రస్తుతం పెండింగ్‌లో ఉన్న పనులు, మౌలిక వసతులు మరియు సాంకేతిక ఏర్పాట్ల పురోగతిని పరిశీలించారు.
తాత్కాలిక పోలీస్ స్టేషన్‌లో విద్యుత్, నీటి సౌకర్యం, భద్రతా ఏర్పాట్లు, CCTV, ఇంటర్నెట్, కమ్యూనికేషన్ వ్యవస్థ, కార్యాలయ నిర్వహణకు అవసరమైన సదుపాయాలు తదితర అన్ని అంశాలు పూర్తిస్థాయిలో అందుబాటులో ఉండేలా చర్యలు తీసుకోవాలని అధికారులకు సూచించారు.
పెండింగ్‌లో ఉన్న పనులను త్వరితగతిన పూర్తి చేసి, అన్ని సదుపాయాలు సక్రమంగా ఉన్నట్లు నిర్ధారించిన అనంతరం పోలీస్ స్టేషన్‌ను తాత్కాలిక భవనానికి తరలించే ప్రక్రియను పూర్తి చేయాలని ASP సంబంధిత అధికారులను ఆదేశించారు.
బాసర మాస్టర్ ప్లాన్‌లో భాగంగా ప్రస్తుత పోలీస్ స్టేషన్ భవనాన్ని తొలగించి, తదుపరి నిర్మాణ మరియు అభివృద్ధి పనులను చేపట్టాల్సి ఉన్నందున, పోలీస్ స్టేషన్ తరలింపు ప్రక్రియలో ఎలాంటి జాప్యం లేకుండా సమన్వయంతో చర్యలు చేపట్టాలని ASP సూచించారు.
ఈ కార్యక్రమంలో R&B అధికారులు, బాసర SHO ఇన్‌స్పెక్టర్ దీపక్, NCC అధికారులు, పోలీస్ సిబ్బంది మరియు ఇతర సంబంధిత అధికారులు పాల్గొన్నారు.
