Contact Us Latest News
True news. Fast information. Andhra Pradesh • Telangana • National
Author Panel
Anakapalli

ప్రధాని మోదీకి బహుమతిగా ఏటికొప్పాక లక్క కళాకృతి.. జాతీయస్థాయిలో మెరిసిన స్థానిక కళాకారుడి ప్రతిభ!

Punnami Newsroom Published:
ప్రధాని మోదీకి బహుమతిగా ఏటికొప్పాక లక్క కళాకృతి.. జాతీయస్థాయిలో మెరిసిన స్థానిక కళాకారుడి ప్రతిభ!

Story highlights

  • జపాన్‌లోని ఐచి–నగోయాలో జరిగిన 5వ ఆసియా పారా గేమ్స్‌లో భారత క్రీడాకారులు 114 పతకాలు సాధించడం దేశానికి గర్వకారణంగా నిలిచింది.
  • ఈ సందర్భంగా ప్రధాని నరేంద్ర మోదీ భారత క్రీడాకారులకు విందు ఏర్పాటు చేయనున్న నేపథ్యంలో ఆయనకు బహూకరించేందుకు దేశవ్యాప్తంగా సుమారు 100 ప్రత్యేక కళాకృతులు పంపగా, వాటిలో కేవలం ఆరు మాత్రమే ఎంపికయ్యాయి.
  • ఈ ఆరు కళాకృతుల్లో అనకాపల్లి జిల్లా ఏటికొప్పాకకు చెందిన లక్క కళాకృతి చోటు దక్కించుకోవడం విశేషం.

జపాన్‌లోని ఐచి–నగోయాలో జరిగిన 5వ ఆసియా పారా గేమ్స్‌లో భారత క్రీడాకారులు 114 పతకాలు సాధించడం దేశానికి గర్వకారణంగా నిలిచింది. ఈ సందర్భంగా ప్రధాని నరేంద్ర మోదీ భారత క్రీడాకారులకు విందు ఏర్పాటు చేయనున్న నేపథ్యంలో ఆయనకు బహూకరించేందుకు దేశవ్యాప్తంగా సుమారు 100 ప్రత్యేక కళాకృతులు పంపగా, వాటిలో కేవలం ఆరు మాత్రమే ఎంపికయ్యాయి. ఈ ఆరు కళాకృతుల్లో అనకాపల్లి జిల్లా ఏటికొప్పాకకు చెందిన లక్క కళాకృతి చోటు దక్కించుకోవడం విశేషం.
ఏటికొప్పాకకు చెందిన పెదపాటి నాని (పైడికొండ), సత్తిబాబు కుమారుడు ఈ అరుదైన కళాకృతిని రూపొందించారు. ఇందులో వివిధ క్రీడలకు సంబంధించిన ఆటలను సూక్ష్మరూపంలో (మినియేచర్) అద్భుతంగా తీర్చిదిద్దారు. ఇండియన్ బ్యాడ్మింటన్ కోచ్ శ్రీ మురళీకృష్ణ కోరిక మేరకు, జాతీయ అవార్డు గ్రహీత శ్రీశైలపు చిన్నయాచారి గారి ప్రోత్సాహంతో దీనిని తయారు చేసినట్లు నాని తెలిపారు.ప్రధానికి అందించే బహుమతుల కోసం ఎంపికైన ఆరు కళాకృతుల్లో ఏటికొప్పాక లక్క కళకు చోటు దక్కడం గ్రామానికే కాకుండా ఆంధ్రప్రదేశ్ రాష్ట్రానికి గర్వకారణంగా మారింది. ఏటికొప్పాక కళా వైభవాన్ని జాతీయస్థాయిలో చాటిన పెదపాటి నానిని గ్రామ ప్రజలు అభినందిస్తూ ఆనందం వ్యక్తం చేస్తున్నారు.

News Sources

  • కె. ఆనంద్Publication / website

Leave a comment

Your email address will not be published. Required fields are marked *