ప్రతి ఇంటా సీతారాముల కృపాకటాక్షాలు కలగాలి-ఎమ్మెల్యే బొజ్జల సుధీర్ రెడ్డి ఆకాంక్ష

శ్రీకాళహస్తి, మార్చి 27 (పున్నమి న్యూస్): ధర్మానికి ప్రతిరూపం, ఆదర్శవంతమైన జీవనానికి నిదర్శనం ఆ దాశరథి జన్మించిన పవిత్ర దినం శ్రీరామ నవమి అని శ్రీకాళహస్తి శాసనసభ్యులు బొజ్జల వెంకట సుధీర్ రెడ్డి కొనియాడారు. శ్రీరామ నవమి పర్వదినాన్ని పురస్కరించుకుని నియోజకవర్గ ప్రజలకు, రాష్ట్ర ప్రజలందరికీ ఆయన హృదయపూర్వక శుభాకాంక్షలు తెలియజేశారు. ఈ సందర్భంగా ఎమ్మెల్యే మాట్లాడుతూ.. సీతారాముల కళ్యాణ మహోత్సవ వేళ, ఆ దైవ కృపాకటాక్షాలు మనందరికీ లభించాలని మనస్ఫూర్తిగా కోరుకుంటున్నట్లు తెలిపారు. “రాముని పాలనలో ప్రజలందరూ ఏ విధంగా అయితే సుఖశాంతులతో విరాజిల్లారో, అదే విధంగా మన శ్రీకాళహస్తి నియోజకవర్గం కూడా అభివృద్ధి పథంలో దూసుకుపోవాలని ఆయన ఆకాంక్షించారు. నియోజకవర్గంలోని ప్రతి ఒక్కరి ఇంటా సుఖసంతోషాలు, వెలుగులు నిండాలని ఆ శ్రీరామచంద్రుని వేడుకుంటున్నట్లు సుధీర్ రెడ్డి పేర్కొన్నారు. పండగ పూట ప్రజలందరూ భక్తిశ్రద్ధలతో వేడుకలు జరుపుకోవాలని ఆయన కోరారు. ఎమ్మెల్యే ఈ సందేశం నియోజకవర్గ ప్రజల్లో ఉత్సాహాన్ని నింపింది.