నెల్లూరు నగరంలో ఆరోగ్య రంగానికి మరో మెరుగైన అధ్యాయం ప్రారంభమైంది. ఇప్పటివరకు మెట్రో నగరాలకే పరిమితమైన కాస్మోటిక్ సర్జరీ సేవలను ఇప్పుడు నెల్లూరులో అందుబాటులోకి తీసుకొచ్చింది అపోలో స్పెషాలిటీ హాస్పిటల్. గురువారం ఈ హాస్పిటల్లో ప్రత్యేక కాస్మోటిక్ క్లినిక్ను ఘనంగా ప్రారంభించారు. ఈ కార్యక్రమంలో డైరెక్టర్ ఆఫ్ మెడికల్ సర్వీసెస్ డాక్టర్ శ్రీరామ్ సతీష్, సీనియర్ ప్లాస్టిక్ సర్జన్ డాక్టర్ శ్రీనివాసరావు, హాస్పిటల్ యూనిట్ హెడ్ బాలరాజు పాల్గొన్నారు.
ఈ సందర్భంగా నిర్వహించిన విలేకరుల సమావేశంలో డాక్టర్లు మాట్లాడుతూ, ఇప్పుడు అందాన్ని మెరుగుపరుచుకోవడం అవసరంగా మారిందని, వయస్సు పెరుగుదలతో వచ్చే మార్పులను సరిచేసుకోవడానికి కాస్మోటిక్ సర్జరీలు శాశ్వత పరిష్కారమని తెలిపారు. ఒకప్పుడు సెలబ్రిటీలకే పరిమితమైన ఈ చికిత్సలు, ఇప్పుడు సాధారణ ప్రజలకూ అందుబాటులోకి వచ్చాయని పేర్కొన్నారు.
ఈ క్లినిక్లో అత్యాధునిక సాంకేతిక పరిజ్ఞానంతో కూడిన నాన్ సర్జికల్ మరియు సర్జికల్ చికిత్సలు అందుబాటులో ఉన్నాయి. నాన్ సర్జికల్ చికిత్సల్లో ముఖ్యంగా BOTOX (బొటాక్స్), FILLERS (ఫిల్లర్స్), FAT INJECTIONS, THREAD LIFTING, EXOSOMES, SKIN BOOSTERS లాంటి సేవలు లభ్యమవుతున్నాయి. ఇవి ముక్కు, నోరు, కంటి చుట్టూ ఉన్న రింకుల్ని తగ్గించడంలో, చర్మాన్ని మెరిపించడంలో సహాయపడతాయి.
అలాగే సర్జికల్ విధానంలో FOREHEAD LIFT, BROW LIFT, FACE LIFT, RHINOPLASTY, BLEPHAROPLASTY, DIMPLE CREATION, LIP AUGMENTATION, BREAST AUGMENTATION, GYNECOMASTIA CORRECTION, LIPOSUCTION, BODY CONTOURING, TUMMY TUCK SURGERY వంటి సర్జరీలు అందుబాటులో ఉన్నాయి. ఇది కాకుండా, హెయిర్ ట్రాన్స్ప్లాంటేషన్, డబుల్ చిన్, జా లైన్ కరెక్షన్ లాంటి ప్రత్యేక చికిత్సలు కూడా అందిస్తున్నారు.
కాస్మోటిక్ సర్జరీల వల్ల ఎలాంటి ప్రమాదం లేదని, అవి శాస్త్రీయంగా నిర్ధారించబడినవని, క్లినికల్ మానదండాలతో నిర్వహించబడుతున్నాయన్న నమ్మకాన్ని డాక్టర్లు వ్యక్తం చేశారు. చికిత్సలు పూర్తిగా సురక్షితమైనవే కాకుండా, అధిక ఖర్చుతో కూడినవిగా ఉండకుండా అందరికీ అందుబాటులో ఉండేలా ప్రణాళిక రూపొందించామన్నారు.
అందంగా ఉండాలనే ఆశ ప్రతి ఒక్కరిలో ఉంటుంది. ఈ అవసరాన్ని తీర్చేలా అపోలో హాస్పిటల్ లో ఏర్పాటు చేసిన ఈ క్లినిక్ ప్రజలకు గొప్ప అవకాశమని డాక్టర్ శ్రీరామ్ సతీష్ తెలిపారు. ఈ ఆధునిక సౌకర్యాలను ప్రజలు సద్వినియోగం చేసుకుని తమ స్వరూపాన్ని మరింత మెరుగుపరచుకోవాలని పిలుపునిచ్చారు.