నాసా స్పేస్ సెటిల్‌మెంట్ పోటీల్లో ‘శ్రీ చైతన్య’ ప్రతిభ.. ‘వరల్డ్ మెరిట్ ప్రైజ్’ కైవసం.

శ్రీకాళహస్తి, ఏప్రిల్ 06 (పున్నమి న్యూస్): అంతరిక్ష విజ్ఞాన రంగంలో శ్రీకాళహస్తి విద్యార్థులు ప్రపంచస్థాయిలో సత్తా చాటారు. పట్టణంలోని శ్రీరామ్ నగర్ కాలనీలో ఉన్న శ్రీచైతన్య పాఠశాల విద్యార్థులు ప్రతిష్టాత్మకమైన అమెరికా ఎన్.ఎస్.ఎస్ (నాసా స్పేస్ సెటిల్‌మెంట్ – కాంటెస్ట్ 2026) పోటీల్లో అద్భుత విజయాన్ని అందుకున్నారు. తమ మేధస్సు, పట్టుదలతో రూపొందించిన ప్రాజెక్టుకు అంతర్జాతీయ గుర్తింపు తెచ్చిపెట్టారు.విద్యార్థులు రూపొందించిన ‘ఎంపీరియా-ఇన్’ (స్పేస్ హోటల్) ప్రాజెక్టుకు అంతర్జాతీయ స్థాయిలో ‘వరల్డ్ మెరిట్ ప్రైజ్’ లభించిందని పాఠశాల ప్రిన్సిపల్ ఎ. రూపాదేవి గర్వంగా ప్రకటించారు. ఈ సందర్భంగా ఆమె మాట్లాడుతూ.. “మొత్తం 31 దేశాలు పాల్గొన్న ఈ పోటీల్లో 134 విన్నింగ్ ప్రాజెక్టులు ఎంపికయ్యాయి. అందులో భారత్ 80 అవార్డులు సాధించగా, ఏకంగా 57 అవార్డులు శ్రీచైతన్య విద్యాసంస్థలకే దక్కడం విశేషం” అని కొనియాడారు. అంతర్జాతీయ వేదికపై తమ విద్యాసంస్థల విద్యార్థులు సాధించిన ఈ ఘనత దేశానికే గర్వకారణమని ఏజీఎం సురేష్ హర్షం వ్యక్తం చేశారు. కష్టపడి పనిచేస్తే ఆకాశమే హద్దు అని విద్యార్థులు నిరూపించారని ప్రశంసించారు. ఈ కార్యక్రమంలో డీన్ త్రివేణి, ఇన్‌ఛార్జులు శ్రీహరి, వంశీ, నాసా ప్రాజెక్ట్ ఇన్‌ఛార్జ్ కవిత, ఉపాధ్యాయులు, విద్యార్థులు పాల్గొని విజేతలను అభినందించారు.