నమ్మిదొడ్డి జంక్షన్, దేవాడ గ్రామం 77వ వార్డులో ఆదివారం ఉదయం పులిచర్ల ట్రస్ట్ ఆధ్వర్యంలో ఫోర్ ఎస్ హాస్పిటల్ స్పెషలిస్టుల సహకారంతో మెగా వైద్య శిబిరం ఘనంగా నిర్వహించారు. ఈ శిబిరానికి పరిసర ప్రాంతాల నుంచి ప్రజలు పెద్ద సంఖ్యలో హాజరై వైద్య సేవలు పొందారు.
ఈ మెడికల్ క్యాంపులో అన్ని విభాగాలకు చెందిన స్పెషలిస్టు డాక్టర్లు పాల్గొని సుమారు నాలుగు వందల మంది వరకు వచ్చిన వారి ఆరోగ్య సమస్యలను సమగ్రంగా పరీక్షించారు. ఎముకల సమస్యలు, నరాల వ్యాధులు, సాధారణ రుగ్మతలతో పాటు ఇతర అనారోగ్యాలపై వైద్యులు సలహాలు అందించారు.
పరీక్షల అనంతరం రోగులకు అవసరమైన అన్ని రకాల మందులను పూర్తిగా ఉచితంగా అందించడం ఈ శిబిరానికి ప్రత్యేక ఆకర్షణగా నిలిచింది. పులిచర్ల ట్రస్ట్ డాక్టర్ రవిశంకర్ ఎంఎస్ ఆర్తో ఆధ్వర్యంలో ఈ మెగా క్యాంపు సక్రమంగా, క్రమబద్ధంగా నిర్వహించబడింది.
ఈ సేవా కార్యక్రమంలో సామాజిక కార్యకర్త పులిచర్ల ఫణి కుమార్ ప్రత్యేకంగా పాల్గొని నిర్వాహకులను ప్రోత్సహించారు. ప్రజారోగ్యాన్ని లక్ష్యంగా పెట్టుకుని నిర్వహించిన ఈ మెగా వైద్య శిబిరం స్థానికుల ప్రశంసలు పొందింది. భవిష్యత్తులో ఇలాంటి మరిన్ని సేవా కార్యక్రమాలు చేపట్టాలని ఆకాంక్షిస్తున్నట్లు నిర్వాహకులు తెలిపారు.
