త్వరలో ప్రేక్షకుల ముందుకు రానున్న అసుర సంహారం

తనికెళ్ల భరణి, మిధున ప్రియ ప్రధాన పాత్రలో నటిస్తున్న చిత్రం అసుర సంహారం ఇటీవల షూటింగ్ పూర్తి చేసుకున్న విషయం తెలిసిందే. ఆసక్తిగా సాగే కథాంశంతో దర్శకుడు శ్రీ కిషోర్ శ్రీకృష్ణ ఈ చిత్రాన్ని తెరకెక్కించాడు. పోస్ట్ ప్రొడక్షన్ కార్యక్రమాలను పూర్తిచేసుకుని త్వరలో ప్రేక్షకుల ముందుకు రావడానికి సిద్ధమవుతోంది. ఇందులో డాక్టర్ పీర్ కుమార్, గూడూరు కిషోర్, మస్తాన్ రావు, గూడూరు నజీర్ ఇతర ముఖ్య పాత్రల్లో నటించారు. ఈ సినిమా కి కెమెరామెన్ బాలు, ఎడిటింగ్ సెల్వ, పాటలు ప్రవీణ్ కుమార్, ఎగ్జిక్యూటివ్ ప్రొడ్యూసర్ మిధున ప్రియ, నిర్మాత సాయి శభరీష్ బోయల్ల, కథ.. స్క్రీన్ ప్లే.. మాటలు.. దర్శకత్వం.. కిషోర్ శ్రీ కృష్ణ.