తెలుగు వెలుగుల వైభవం – కవిత కళాత్మక భవిత

ఆగష్టు 29 తెలుగు భాషా దినోత్సవం (తెలుగు కవి గిడుగు వెంకట రామమూర్తి జయంతి) సందర్భంగా రచించబడిన కవిత. తెలుగు వెలుగుల వైభవం – కవిత కళాత్మక భవిత రచన: డాక్టర్ బద్రి. పీర్ కుమార్ కందుకూరి విశిష్ట పురస్కార గ్రహీత అర్థశాస్త్ర అధ్యాపకులు ప్రభుత్వ డిగ్రీ కళాశాల గూడూరు, తె – తెలుగు పలుకుల తెల్లదనం భావాలంకరణకు మూలధనం లు – లుంబిని లో జన్మించి ధ్యానం ద్వారా పొందిన బుద్ధుని జ్ఞానం గ గు – గురజాడ అడుగుజాడల్లో మన సాహిత్యం సుసంపన్నం వె – వెలకట్టలేని అనుబంధ విలువల వరసల సరాగాలు లు – లుకలుకలు వికవికలు పకపకలు తేనె చినుకుల సవ్వడలు గు – గుణాత్మక దృశ్యాంశాలు మనో నేత్ర మార్గదర్శకాలు ల – లయబద్ధంగా పదాక్షరాల ఉచ్చారణ పసిడి కాంతుల మధురిమలు. వై – వైవిధ్యమైన భావ ప్రకంపనలు వ్యవహారిక విశ్లేషణలు భ – భజన గీతాల బృంద విన్యాసాల చిందులే ఉత్సవాలు వం – వందన చందనాల అభినందన వేదికలు సమాజ సౌభాగ్యాలు. క – కమనీయం కవితాత్మ కథనంపై ప్రశంసలు వి – విజయతలంపు పులకించిన స్వాగత గీతాలు త – తరతరాల మానసోల్లాస చారిత్రక స్మృతులు. క – కళలు కలల కళాకారుల ఆత్మీయ సిరులు ళా – అలాంటివి మానసిక వికాసానికి ఆసనాలు త్మ- తమ ఇష్టాఇష్టాల విశ్లేషణ రూపాలు క – కవుల కావ్య దీపాల అపురూప కనువిందులు భ – భగవంతున్ని ప్రసన్నం చేసుకునే శక్తి కొలది వి – విధాతరాతను మార్చుకునే నేర్పు కలది త – తన్మయత్వమే ప్రయత్నంగా సాగే ప్రవాహమిది. ఈ కవిత కుటుంబ పునాదులకు పటుత్వాన్నిచ్చే ఆప్యాయత ఇదే తెలుగు వెలుగుల వైభవోత్సవం శ్రోత సంతృప్త హృదయలయల సంభవం.