తుఫాను హెచ్చరిక _కలెక్టర్ ఆదేశాలు_డా. బి.ఆర్. అంబేద్కర్ కోనసీమ జిల్లాలో

మూడు రోజులు పాఠశాలలకు సెలవులు డా. బి.ఆర్. అంబేద్కర్ కోనసీమ జిల్లాలో “మంథా” తుఫాను ప్రభావం నేపథ్యంలో జిల్లా వ్యాప్తంగా ఉన్న అన్ని యాజమాన్య పాఠశాలలకు మూడు రోజులపాటు సెలవులు ప్రకటించారు. జిల్లా కలెక్టర్ మరియు జిల్లా మేజిస్ట్రేట్ గౌరవ ఆదేశాల మేరకు ఈ నిర్ణయం తీసుకోబడింది. ఈ మేరకు జిల్లా విద్యాశాఖాధికారి అన్ని ఉపవిద్యాశాఖాధికారులకు, మండల విద్యాశాఖాధికారులకు మరియు అన్ని ప్రభుత్వ, జెడ్పీ, మున్సిపల్, ఆర్డీడబ్ల్యూయూ, మోడల్, ప్రైవేట్ యాజమాన్య పాఠశాలల ప్రధానోపాధ్యాయులకు తెలియజేశారు. తుఫాను తీవ్రతను దృష్టిలో ఉంచుకుని, విద్యార్థుల భద్రత కోసం 27.10.2025 (సోమవారం), 28.10.2025 (మంగళవారం), 29.10.2025 (బుధవారం) తేదీలలో జిల్లాలోని అన్ని పాఠశాలలు మూసివేయాలని ఆదేశించారు. ఈ కాలంలో వాతావరణ శాఖ హెచ్చరికలను పర్యవేక్షిస్తూ, విద్యార్థులు మరియు తల్లిదండ్రులు అప్రమత్తంగా ఉండాలని జిల్లా అధికారులు సూచించారు. తుఫాను ప్రభావం తగ్గిన తరువాత, పాఠశాలల తిరిగి ప్రారంభంపై జిల్లా విద్యాశాఖ ప్రత్యేకంగా ఆదేశాలు జారీ చేయనుంది. విద్యార్థుల ప్రాణ భద్రతను ప్రాధాన్యతగా తీసుకుంటూ ఈ నిర్ణయం తీసుకోవడం జరిగింది. — జిల్లా విద్యాశాఖాధికారి, డా. బి.ఆర్. అంబేద్కర్ కోనసీమ జిల్లా.