అనకాపల్లి జిల్లా, జనవరి 26 (పున్నమి న్యూస్ ప్రతినిధి ఆనంద్):
77వ గణతంత్ర దినోత్సవాన్ని పురస్కరించుకుని ఎలమంచిలి రూరల్ పోలీస్ స్టేషన్ ఆధ్వర్యంలో జాతీయ స్ఫూర్తిని నింపే కార్యక్రమం నిర్వహించారు. ఎస్సై ఉపేంద్ర గారి నేతృత్వంలో పోలీస్ సిబ్బంది, విద్యార్థులు ఉత్సాహంగా పాల్గొని వేడుకలను ఘనంగా జరిపారు.
జాతీయ జెండా ఆవిష్కరణ అనంతరం జాతీయ గీతాలాపనతో వాతావరణం దేశభక్తితో నిండిపోయింది. ఈ సందర్భంగా ఎస్సై ఉపేంద్ర గారు మాట్లాడుతూ, రాజ్యాంగ విలువలు యువతలో నాటుకోవాల్సిన అవసరం ఉందని తెలిపారు. విద్యార్థులే దేశానికి బలమైన పునాదులని పేర్కొన్నారు.
విద్యార్థుల దేశభక్తి గీతాలు, ప్రసంగాలు అందరినీ ఆకట్టుకున్నాయి. పోలీస్–విద్యార్థుల సమన్వయంతో జరిగిన ఈ కార్యక్రమం అందరిలో జాతీయ భావాన్ని మరింత బలపరిచింది.
Uploaded Video:
