(పున్నమి ప్రతినిధి)
పర్యావరణ పరిరక్షణతో పాటు మానవ సంబంధాల విలువలను ప్రతిబింబించిన ‘చెట్టు = తల్లి’ అనే షార్ట్ ఫిల్మ్ ఘన విజయాన్ని సాధించింది. ఈ సందర్భంగా ఈ నెల 18న ఉదయం 10.30 గంటలకు నెల్లూరులోని విజయమహల్ సమీపంలో ఉన్న నేతాజీ పైలట్ స్కూల్లో విజయోత్సవ వేడుకలు నిర్వహించనున్నారు. లౌహిత్య ప్రెజెంట్స్ ఆధ్వర్యంలో రూపొందిన ఈ చిత్రానికి ప్రేక్షకుల నుంచి విశేష ఆదరణ లభించింది. కార్యక్రమంలో చిత్ర బృందం, అతిథులు, కళాకారులు పాల్గొని చిత్ర విజయాన్ని పంచుకోనున్నారు. పర్యావరణంపై అవగాహన పెంచేలా ఈ వేడుకలు నిర్వహించనున్నట్లు నిర్వాహకులు తెలిపారు.
