వరద ప్రభావం అవకాశంపై హెచ్చరికలు – అధికారులు సిద్ధంగా ఉండాలని ఉప సర్పంచ్ ఉమామహేశ్వర్ రెడ్డి సూచన
రైల్వే కోడూరు నియోజకవర్గంలో గుంజన నది పరివాహక ప్రాంతాల్లో వర్షాల ప్రభావం తీవ్రతరమవుతోంది. చిట్వేల్ మండల పరిధిలో నది నీటి మట్టం క్రమంగా పెరుగుతున్న నేపథ్యంలో స్థానిక ప్రజలు అప్రమత్తంగా ఉండాలని ఉప సర్పంచ్ ఉమామహేశ్వర్ రెడ్డి హెచ్చరించారు. ఎక్కడైనా వరద ప్రవాహం లేదా నీటి నిల్వలు పెరిగినట్లు గమనిస్తే వెంటనే సంబంధిత అధికారులకు సమాచారం ఇవ్వాలని సూచించారు.
చిట్వేల్ సచివాలయం మరియు పంచాయతీ సిబ్బంది ఎప్పటికప్పుడు పరిస్థితిని పర్యవేక్షిస్తూ, అత్యవసర పరిస్థితులకు సిద్ధంగా ఉండాలని ఆయన ఆదేశించారు. లోతట్టు ప్రాంతాల ప్రజలకు అవసరమైన సహాయం అందించేందుకు చర్యలు ప్రారంభించినట్లు వెల్లడించారు. గుంజన నది ప్రవాహం మరింత పెరిగే అవకాశం ఉన్నందున ప్రజలు జాగ్రత్తలు తప్పనిసరిగా పాటించాలని ఉమామహేశ్వర్ రెడ్డి ఒక ప్రకటనలో సూచించారు.
