ఖమ్మం నగరము లో దీపావళి సందడి

పున్నమి ప్రతి నిధి దీపావళి పర్వదినం సమీపిస్తుండటంతో ఖమ్మం లోని ఇల్లందు రోడ్డు పండుగ వాతావరణంతో కళకళలాడుతోంది. లక్ష్మీదేవి పూజ కోసం ప్రజలు పూజా సామగ్రి, పూలు, దీపాలు, ప్రమిదలు, బొమ్మల కొలువుల కోసం అవసరమైన వస్తువులను భారీగా కొనుగోలు చేస్తున్నారు. పట్టణంలోని ప్రధాన వాణిజ్య ప్రాంతాలు ప్రజలతో నిండిపోయాయి. ఇల్లందు రోడ్డు జనసంద్రంలా మారింది. ముఖ్యంగా పీజీ కాలేజ్ మైదానంలో ఏర్పాటు చేసిన టపాసుల స్టాళ్ల వద్ద కొనుగోలుదారుల రద్దీ పెరిగింది. పిల్లల నుంచి పెద్దల వరకూ అందరూ దీపావళి సంబరాలకు అవసరమైన వస్తువులు తీసుకునేందుకు ఉత్సాహంగా తరలివస్తున్నారు. సాయంత్రం వేళలో దీపాల కాంతులతో ఖమ్మం నగరము లోని ఇల్లందు రోడ్డు విద్యుత్ వెలుగులతో నిండిపోనుంది. దుకాణదారులు కూడా పండుగ సీజన్‌కి ప్రత్యేక ఆఫర్లు ప్రకటించడంతో కొనుగోళ్ల హడావుడి మరింతగా పెరిగింది. ట్రాఫిక్‌ను నియంత్రించేందుకు పోలీసులు అదనపు సిబ్బందిని మోహరించారు. ప్రజల ఉత్సాహంతో ఖమ్మం పట్టణం మొత్తం దీపావళి సందడిలో మునిగిపోయింది. పట్టణంలోని పూల మార్కెట్, టపాసుల స్టాళ్లు, పూజా సామగ్రి దుకాణాలు — అన్నీ ఒక్క పండుగ వాతావరణాన్ని ప్రతిబింబిస్తున్నాయి. దీపాల వెలుగులు, పూల సువాసనలు, టపాసుల శబ్దాలతో ఇల్లందు ప్రజలు సంప్రదాయ రీతిలో దీపావళిని ఘనంగా జరుపుకునేందుకు సిద్ధమవుతున్నారు.