ఓజి సినిమా అఖండ విజయం సాధించాలని ప్రత్యేక పూజలు చేసిన డా. బి.ఎన్.రాజు

పిఠాపురం : పిఠాపురం నియోజకవర్గం శాసన సభ్యుడు మరియు రాష్ట్ర ఉప ముఖ్యమంత్రి కొణిదల పవన్ కళ్యాణ్ నటించిన ఓజి సినిమా విడుదల సందర్భంగా జనసేన నాయకుడు డా. బి.ఎన్.రాజు ఆధ్వర్యంలో సినిమా అఖండ విజయం సాధించాలని కోరుకుంటూ మహా పుణ్యక్షేత్రమైన శ్రీ రాజరాజేశ్వరి సమేత ఉమాకుక్కుటేశ్వర స్వామి వారి దేవస్థానం పాదగయా క్షేత్రంలో ప్రత్యేక పూజలు నిర్వహించారు. ఈ సందర్భంగా డా. బి.ఎన్.రాజు మాట్లాడుతూ జనసేన అధినేత కొణిదల పవన్ కళ్యాణ్ నటించిన ఓజి సినిమా అఖండ విజయం సాధించి, నిర్మాతలకు డిస్ట్రిబ్యూటర్లకు అధిక లాభాలు తేవాలని, అభిమానులకు ఒక పండగ మాదిరిగా నెలకొల్పుతుందని అన్నారు. ఈ కార్యక్రమంలో జనసేన నాయకులు, కార్యకర్తలు, అభిమానులు తదితరులు పాల్గొన్నారు.