ఏపీ అసెంబ్లీ క్రీడల్లో ఉత్సాహంతో పాల్గొన్న ఎమ్మెల్యే సుధీర్ రెడ్డి

శ్రీకాళహస్తి పున్నమి న్యూస్, ఫిబ్రవరి 24: శ్రీకాళహస్తి ఎమ్మెల్యే బొజ్జల వెంకట సుధీర్ రెడ్డి ఏపీ అసెంబ్లీ క్రీడా మహోత్సవాలు ఉత్సాహవంతంగా కొనసాగుతున్నానేపద్యంలో క్రీడా పోటీల్లో చురుకైన ఉత్సాహంతో ఎమ్మెల్యే బొజ్జల సుధీర్ రెడ్డి పాల్గొనడం ప్రత్యేకంగా నిలిచింది. ప్రజా సేవలో నిత్యం తలమునకలలై ఉండే ఆయన క్రీడల పట్ల తన ఆసక్తిని మరోసారి నిరూపించారు. మైదానంలో ఆయన చూపించిన చలాకీతనం, క్రీడాస్ఫూర్తి తోటి శాసనసభసభ్యుల ప్రశంసలు అందుకుంది. రాజకీయ భిన్నాభిప్రాయాలు సహజమైనవే అయినా క్రీడలు అందరినీ ఒకే వేదికపై కలుపుతాయని క్రీడలు శారీరక దృఢత్వంతో పాటు మానసిక ఉల్లాసాన్నీ అందిస్తాయని ప్రజాప్రతినిధులు ఆరోగ్యంగా ఉంటేనే ప్రజలకు మెరుగైన సేవలు అందించగలమని శాసనసభ క్రీడా మహోత్సవాలు సభ్యుల మధ్య స్నేహభావాన్ని పెంపొందించడంలో కీలక పాత్ర పోషిస్తున్నాయని సుధీర్ రెడ్డి పేర్కొన్నారు. ఏది ఏమైన ఈ వేడుకల్లో సుధీర్ రెడ్డి పాల్గొనడం మరింత ఉత్సాహాన్ని నింపిందనే చెప్పుకోవాలి తమ నాయకుడు ఈ క్రీడల్లో అత్యంత ప్రతిభ కనపరిచి విజియాన్ని కైవసం చేసుకోవాలని నియోజిక వర్గంలోని నాయకులు, కార్యకర్తలు, సుధీర్ రెడ్డి అభిమానులు ఆశిస్తునారు.