ఉచిత వైద్య శిబిరానికి విశేష స్పందన

శ్రీకాళహస్తి మండలంలోని అక్కుర్తి గ్రామంలో శుక్రవారం నాడు శ్రీకాళహస్తి MGM హాస్పిటల్స్, ఇండియన్ రెడ్ క్రాస్ సొసైటీ ఆధ్వర్యంలో సంయుక్తంగా నిర్వహించిన ఉచిత వైద్య శిబిరానికి విశేష స్పందన లభించింది. ఈ వైద్య శిబిరంలో దాదాపు 150 మంది అక్కుర్తి గ్రామ మహిళలు, ప్రభుత్వ పాఠశాల లో చదువుతున్న 9,10 వ తరగతి విద్యార్ధినులు పాల్గొని వారికి సంబంధించిన స్త్రీ సంబంధిత, ఋతు క్రమ సమయంలో వారు ఎదుర్కొనే సమస్యలు, పరిశుభ్రత పాటించాలనే విషయంపై MGM హాస్పిటల్స్ డాక్టర్ లను అడిగి తెలుసుకున్నారు. ఈ వైద్య శిబిరానికి విజయవాహిని చారిటబుల్ ట్రస్ట్ నిర్వాహకులు సహాయ సహకారాలు అందించి వైద్య శిబిరం విజయవంతం కావడానికి ప్రత్యేక శ్రద్ద చూపించారు. MGM హాస్పిటల్స్ డైరెక్టర్, ఇండియన్ రెడ్ క్రాస్ సొసైటీ వైస్ చైర్మన్ డాక్టర్ గుడ్లూరు మయూర్ మాట్లాడుతూ…శ్రీకాళహస్తి, చుట్టుప్రక్క గ్రామాల ప్రజలు ఆరోగ్యం కోసం అత్యాధునిక వైద్యసదుపాయాలతో MGM హాస్పిటల్స్ స్థాపించామని ప్రజలు సద్వినియోగ పరచుకొవాలని ఆయన తెలిపారు. ఈ శిబిరంలో MGM హాస్పిటల్స్ స్త్రీ సంబంధిత వైద్యురాలు లక్ష్మి ప్రస, చిన్నపిల్లల సంబంధిత వైద్యులు డాక్టర్ ఉమా మహేశ్వర్ రావు, MGM హాస్పిటల్స్ సిబ్బంది పాల్గొన్నారు.