అర్ధనారీశ్వరుని సన్నిధిలో అన్నదాతలుగా మారిన బొజ్జల సుధీర్ రెడ్డి దంపతులు

శ్రీకాళహస్తి పున్నమి టెంపుల్ న్యూస్, ఫిబ్రవరి 15: మహా శివరాత్రి పర్వదినాన్ని పురస్కరించుకొని శ్రీకాళహస్తి శాసనసభ్యులు బొజ్జల సుధీర్ రెడ్డి దంపతులు పట్టాన సమీపంలో ఉన్న “శ్రీశ్రీశ్రీ అర్ధనారీశ్వర స్వామి” వారిని దర్శించుకోవడం జరిగింది. అనంతరం రాజకీయ హంగూ ఆర్భాటాలు పక్కన పెట్టి, సామాన్య భక్తులతో మమేకమై ఎమ్మెల్యే బొజ్జల సుధీర్ రెడ్డి, ఆయన సతీమణి బొజ్జల ఋషిత రెడ్డిలు నారాయణపురం గ్రామ యువత ఏర్పాటుచేసిన అన్నదాన కార్యక్రమంలో పాల్గొని స్వయంగా భక్తులకు అన్న ప్రసాదాన్ని వడ్డించడం అక్కడి వారిని విశేషంగా ఆకట్టుకుంది. ఈ సందర్భంగా ఎమ్మెల్యే మాట్లాడుతూ, మహాశివరాత్రి అంటేనే సేవ, భక్తికి ప్రతీక అని, గ్రామ యువత ఇలాంటి సేవా కార్యక్రమాలు నిర్వహించడం అభినందనీయమని కొనియాడారు. పండుగ వేళ ప్రజా ప్రతినిధులు ఇలా ప్రజల మధ్యకు వచ్చి సేవలో భాగస్వాములు కావడం పట్ల స్థానికులు హర్షం వ్యక్తం చేస్తున్నారు. ఈ కార్యక్రమంలో స్థానిక నాయకులు, పెద్ద సంఖ్యలో భక్తులు, గ్రామ యువత పాల్గొన్నారు.