సీతారామపురం సెప్టెంబర్ (పున్నమి ప్రతినిధి)
సూపర్ సిక్స్ పథకాల అమలలో భాగంగా ప్రారంభించిన స్త్రీ శక్తి పథకం విజయవంతమైన సందర్భంగా శనివారం ఉదయగిరి నియోజకవర్గ శాసనసభ్యుడు కాకర్ల సురేష్ ఆధ్వర్యంలో వింజమూరులోని ఆర్టీసీ బస్టాండ్ కూడలి నుండి ఎస్వి కన్వెన్షన్ హాల్ వరకు నిర్వహించే మహిళల ర్యాలీ అనంతరం నిర్వహించే భారీ బహిరంగ సభకు సీతారామపురం మండలంలోని కూటమి మహిళా నాయకులు, కార్యకర్తలు, మహిళలు భారీ సంఖ్యలో పాల్గొని జయప్రదం చేయాలని సీతారామపురం మండల తెలుగు యువత నాయకుడు పసుపులేటి వికాస్ బాబు (విక్కీ) తెలిపారు. సందర్భంగా ఆయన మాట్లాడుతూ ఎన్నికల హామీలలో ఇచ్చిన మాట ప్రకారం సూపర్ సిక్స్ పథకాలన్నిటిని కూటమి ప్రభుత్వం అమలు చేసిందన్నారు. కూటమి ప్రభుత్వం మహిళల పట్ల చిత్తశుద్ధితో పనిచేస్తుందన్నారు.
