సచివాలయ సర్వేల నుండి పూర్తిగా మినహాయింపుకావాలీ..జే.ఎల్.యం.లు

శ్రీకాళహస్తి, పిబ్రవరి 03, పున్నమి న్యూస్: శ్రీకాళహస్తి పరిదిలో విధ్యుత్ శాఖలో విధులు నిర్వహిస్తున్న జూనియర్ లైన్ మ్యాన్-2 విధ్యుత్ సిబ్బంది సచివాలయ సర్వేల నుంచి పూర్తిగా మినహాయింపుకావాలంటూ మంగళవారం నాడు శ్రీ కాళహస్తి సబ్ డివిజన్ అధికారులకు వినతి పత్రం అందజేశారు. ఈ సందర్బంగా వారు JLM గ్రేడ్-2 లు 24 గంటలు అందుబాటులో ఉంటూ ఆదివారం కూడా సెలవు అనేది లేకుండా ప్రజలకు నాణ్యమైన విద్యుత్ ని అందించడానికి ప్రమాదకర పరిస్థితులులో కూడా తాము పని చేస్తున్నామని సచివాలయ సర్వేల నుంచి పూర్తిగా మినహాయింపు కోరుతూ CSని కోరగా, CS వెంటనే అన్ని జిల్లాల కలెక్టర్ లకి ఆదేశాలు జారీ చేశారు. కానీ ఇప్పుడు మళ్లీ సచివాలయ సర్వే లు చేయాలని విద్యుత్ అధికారులు తమపై ఒత్తిడి తెస్తున్నారని అలాంటి రెండు రకాల పనుల మధ్య ఒత్తిడితో ప్రమాదకర పరిస్థితులులో పనులు చేయటం తమ వల్ల కాదని సచివాలయ సర్వే లు చేయాల్సిన రోజుల్లో పూర్తిగా డిపార్ట్మెంట్ విధుల నుంచి మినహాయింపు ఇస్తేనే తాము విధులు నిర్వర్తిస్తామని లేకపోతే సర్వే లు చేసే పరిస్థితి లేదని వారు పేర్కొన్నరు.