శ్రీకాళహస్తిలో ఘనంగా రాష్ట్ర హోం మంత్రి జన్మదిన వేడుకలు-శుభాకాంక్షలు తెలిపిన ఎమ్మెల్యే సుధీర్ రెడ్డి

శ్రీకాళహస్తి, మార్చి 24 (పున్నమి న్యూస్): రాష్ట్ర హోం శాఖ మంత్రి వంగలపూడి అనిత జన్మదిన వేడుకలు మంగళవారం నాడు శ్రీకాళహస్తి నియోజకవర్గంలో ఘనంగా జరిగాయి. స్థానిక పార్టీ కార్యాలయంలో శ్రీకాళహస్తి శాసనసభ్యులు బొజ్జల వెంకట సుధీర్ రెడ్డి ఆధ్వర్యంలో పార్టీ శ్రేణులు ఈ వేడుకలను ఉత్సాహంగా నిర్వహించారు. ఈ సందర్భంగా ఎమ్మెల్యే సుధీర్ రెడ్డి కేక్ కట్ చేసి, హోం మంత్రికి తన ప్రత్యేక జన్మదిన శుభాకాంక్షలు తెలియజేశారు. అనంతరం ఎమ్మెల్యే మాట్లాడుతూ.. రాష్ట్రంలో శాంతిభద్రతల పరిరక్షణలో హోం మంత్రి అనిత అత్యంత క్రియాశీలక పాత్ర పోషిస్తున్నారని కొనియాడారు. కూటమి ప్రభుత్వంలో మహిళా సాధికారతకు, ప్రజా రక్షణకు ఆమె అంకితభావంతో చేస్తున్న కృషి అభినందనీయమన్నారు. ఆమె నిండు నూరేళ్లూ ఆయురారోగ్యాలతో వర్ధిల్లాలని, భవిష్యత్తులో ప్రజలకు మరిన్ని సేవలు అందించాలని మనస్ఫూర్తిగా ఆకాంక్షిస్తున్నట్లు తెలిపారు. ఈ కార్యక్రమంలో పట్టణ టిడిపి అధ్యక్షులు విజయకుమార్, ఇతర ముఖ్య నాయకులు, భారీ సంఖ్యలో పార్టీ కార్యకర్తలు పాల్గొని హోం మంత్రికి శుభాకాంక్షలు తెలియజేశారు.