టాలీవుడ్ నటి, దర్శకురాలు రేణూ దేశాయ్ మరోసారి వార్తల్లో నిలిచారు. ఇటీవల ఆమె ఒక ఇంటర్వ్యూలో తన జీవితంలో తీసుకోబోతున్న కీలక నిర్ణయం గురించి వెల్లడించారు. భవిష్యత్తులో సన్యాసం తీసుకోవాలనే ఆలోచనలో ఉన్నట్లు ఆమె స్పష్టం చేశారు. జీవితంలో ప్రశాంతత, ఆధ్యాత్మికత కోసం ఈ నిర్ణయం తీసుకోవాలని భావిస్తున్నానని రేణూ తెలిపారు. నటన, రాజకీయాలు, సామాజిక సేవలన్నింటినీ అనుభవించిన తర్వాత మిగిలేది ఆత్మశాంతి మాత్రమేనని ఆమె అన్నారు.
ఆధ్యాత్మికతపైన చిన్ననాటి నుంచే ఆసక్తి ఉన్నట్లు చెబుతూ, సమాజానికి సేవ చేయడమే తన జీవిత లక్ష్యమని పేర్కొన్నారు. ప్రస్తుతం కొన్ని సినిమాలు, టెలివిజన్ ప్రాజెక్టులతో బిజీగా ఉన్నప్పటికీ, సరైన సమయం రాగానే అన్ని వదిలి ఆధ్యాత్మిక జీవితం వైపు అడుగులు వేస్తానని రేణూ దేశాయ్ చెప్పారు. ఆమె ఈ వ్యాఖ్యలు ఇప్పుడు సోషల్ మీడియాలో వైరల్ అవుతున్నాయి. అభిమానులు ఆమె నిర్ణయానికి మద్దతు తెలుపుతూ శుభాకాంక్షలు తెలియజేస్తున్నారు.
