Story highlights
- శ్రీకాళహస్తిలో తిరుపతి జిల్లా కాంగ్రెస్ కమిటీ (డీసీసీ) అధ్యక్షులు బాలగురవం బాబు ఆధ్వర్యంలో క్రీడా విభాగ జిల్లా స్థాయి సమీక్షా సమావేశం ఘనంగా జరిగింది.
- ఈ కార్యక్రమానికి కాంగ్రెస్ పార్టీ రాష్ట్ర క్రీడా విభాగం అధ్యక్షుడు జీవీవీఎస్ కమలాకర్ ముఖ్య అతిథిగా విచ్చేసి శ్రేణులకు దిశానిర్దేశం చేశారు.
- ఈ సందర్భంగా డీసీసీ అధ్యక్షుడు బాలగురవం బాబు మాట్లాడుతూ..
శ్రీకాళహస్తిలో తిరుపతి జిల్లా కాంగ్రెస్ కమిటీ (డీసీసీ) అధ్యక్షులు బాలగురవం బాబు ఆధ్వర్యంలో క్రీడా విభాగ జిల్లా స్థాయి సమీక్షా సమావేశం ఘనంగా జరిగింది. ఈ కార్యక్రమానికి కాంగ్రెస్ పార్టీ రాష్ట్ర క్రీడా విభాగం అధ్యక్షుడు జీవీవీఎస్ కమలాకర్ ముఖ్య అతిథిగా విచ్చేసి శ్రేణులకు దిశానిర్దేశం చేశారు. ఈ సందర్భంగా డీసీసీ అధ్యక్షుడు బాలగురవం బాబు మాట్లాడుతూ.. విద్యార్థి దశ నుంచే యువతను క్రీడలపట్ల చైతన్యవంతం చేయాల్సిన అవసరం ఎంతైనా ఉందన్నారు. క్రీడా రంగంలో దేశం ముందడుగు వేస్తేనే భావిభారత భవిష్యత్తు పౌరులు శారీరకంగా, మానసికంగా ఆరోగ్యంగా ఉంటారని స్పష్టం చేశారు. అనంతరం రాష్ట్ర క్రీడా విభాగ అధ్యక్షుడు జీవీవీఎస్ కమలాకర్ మాట్లాడుతూ.. ప్రస్తుత ప్రభుత్వాలు దేశంలో క్రీడల అభివృద్ధికి సరైన చర్యలు చేపట్టడం లేదని, క్రీడా మౌలిక వసతుల కల్పనలో తీవ్ర వెనుకబాటుతనం చోటుచేసుకుందని విమర్శించారు. క్రీడాకారులకు ఏ రకమైన సమస్య లేదా అన్యాయం జరిగినా తక్షణమే కాంగ్రెస్ పార్టీ దృష్టికి తీసుకురావాలని, వారికి పూర్తి న్యాయం చేకూరేవరకు తాము రాజీలేని పోరాటం చేస్తామని భరోసా ఇచ్చారు. ఈ ప్రాధాన్యత కలిగిన సమావేశంలో సూళ్లూరుపేట నియోజకవర్గ సమన్వయకర్త కిరణ్, శ్రీకాళహస్తి నియోజకవర్గ సమన్వయకర్త తలపా దామోదరం రెడ్డి, జిల్లా ఉపాధ్యక్షుడు కరీముల్లా, వివిధ మండలాల కాంగ్రెస్ ముఖ్య నాయకులు మరియు యువజన కార్యకర్తలు పెద్ద సంఖ్యలో పాల్గొన్నారు.
