Contact Us Latest News
True news. Fast information. Andhra Pradesh • Telangana • National
Author Panel
Sri Potti Sriramulu Nellore

నెల్లూరులో దారిదోపిడీ ముఠా హల్‌చల్.. యువకుడిపై దాడి

Punnami Newsroom Published:
నెల్లూరులో దారిదోపిడీ ముఠా హల్‌చల్.. యువకుడిపై దాడి

Story highlights

  • నెల్లూరు: నగరంలో రాత్రివేళ దారిదోపిడీ ఘటనలు కలకలం రేపుతున్నాయి.
  • గుర్తుతెలియని యువకుల ముఠా దాడిలో సమీర్ తీవ్రంగా గాయపడినట్లు సమాచారం.
  • నగరంలోని నిర్మానుష్య ప్రాంతాలను లక్ష్యంగా చేసుకుని కొందరు యువకులు దోపిడీలకు పాల్పడుతున్నారనే ఆరోపణలు స్థానికుల్లో ఆందోళన కలిగిస్తున్నాయి.

నెల్లూరు: నగరంలో రాత్రివేళ దారిదోపిడీ ఘటనలు కలకలం రేపుతున్నాయి. గుర్తుతెలియని యువకుల ముఠా దాడిలో సమీర్ తీవ్రంగా గాయపడినట్లు సమాచారం. నగరంలోని నిర్మానుష్య ప్రాంతాలను లక్ష్యంగా చేసుకుని కొందరు యువకులు దోపిడీలకు పాల్పడుతున్నారనే ఆరోపణలు స్థానికుల్లో ఆందోళన కలిగిస్తున్నాయి.

ఈ ముఠాలో 19 నుంచి 21 ఏళ్ల మధ్య వయసున్న యువకులు ఉన్నట్లు స్థానికులు చెబుతున్నారు. ముఖ్యంగా రాత్రి వేళల్లో ట్రంకు రోడ్డు, రైల్వేస్టేషన్ పరిసరాలు, పొర్లుకట్ట, పుట్టా ఎస్టేట్ ప్రాంతాల్లో ఇలాంటి ఘటనలు జరుగుతున్నాయని ఆందోళన వ్యక్తం చేస్తున్నారు. గంజాయి మత్తులో కొందరు యువకులు ఈ దాడులకు పాల్పడుతున్నారనే ఆరోపణలు కూడా వినిపిస్తున్నాయి.

మరోవైపు నగరంలో గంజాయి విక్రయాలు నియంత్రణ లేకుండా సాగుతున్నాయనే విమర్శలు వెల్లువెత్తుతున్నాయి. రాత్రి పది గంటల తర్వాత కూడా కొన్ని ప్రాంతాల్లో రహస్యంగా నగదు లావాదేవీల ద్వారా గంజాయి విక్రయాలు జరుగుతున్నట్లు స్థానికులు ఆరోపిస్తున్నారు.

రాత్రి వేళల్లో పోలీసుల గస్తీ తగినంతగా లేకపోవడంతో ప్రజలు భయాందోళనలకు గురవుతున్నారు. ముఖ్యంగా ఒంటరిగా ప్రయాణించే వారు అప్రమత్తంగా ఉండాల్సిన పరిస్థితి నెలకొందని చెబుతున్నారు.

పోలీసు అధికారులు స్పందించి రాత్రి పెట్రోలింగ్‌ను విస్తృతం చేయాలని, దాడులకు పాల్పడుతున్న వారిని గుర్తించి కఠిన చర్యలు తీసుకోవాలని స్థానికులు కోరుతున్నారు. అలాగే గంజాయి సరఫరా, విక్రయాలపై ప్రత్యేక నిఘా ఏర్పాటు చేసి నగరంలో శాంతిభద్రతలను కాపాడాలని ప్రజలు విజ్ఞప్తి చేస్తున్నారు.

Leave a comment

Your email address will not be published. Required fields are marked *