संपर्क करें ताज़ा खबरें
सच्ची खबर। तेज़ जानकारी। आंध्र प्रदेश • तेलंगाना • राष्ट्रीय
लेखक पैनल

Tag: పొలిటికల్

ఖమ్మం

సత్తుపల్లి ప్రభుత్వ ఆసుపత్రిలో వైద్య సేవలు మెరుగుపర్చాలి: మాజీ శాసన సభ్యులు సండ్ర

సత్తుపల్లి/ ఖమ్మం సత్తుపల్లి ప్రభుత్వ ఆసుపత్రిలో ప్రజలకు ఆశించిన స్థాయిలో వైద్య సేవలు అందడం లేదని మాజీ ఎమ్మెల్యే సండ్ర వెంకట వీరయ్య ఆగ్రహం వ్యక్తం చేశారు. 100 పడకల నూతన ఆసుపత్రి భవనం, సుమారు 17 మంది వైద్యులు ఉన్నప్పటికీ పూర్తి స్థాయిలో సేవలు అందకపోవడం బాధాకరమన్నారు. కొంతమంది వైద్యులు విధులకు ఆలస్యంగా హాజరవుతున్నారని, మరికొందరు ముందుగానే వెళ్లిపోతున్నారని ప్రజల నుంచి ఫిర్యాదులు వస్తున్నాయని తెలిపారు. ప్రభుత్వ ఆసుపత్రికి వచ్చే రోగులను ప్రైవేట్ ఆసుపత్రులకు వెళ్లాలని సూచిస్తున్నారనే ఆరోపణలపై విచారణ జరపాలని కోరారు. ఆసుపత్రిలో మంచినీటి సమస్య, మృతదేహాలకు సకాలంలో పోస్టుమార్టం నిర్వహించకపోవడం, కొన్ని ధ్రువపత్రాల కోసం డబ్బులు అడుగుతున్నారనే ఆరోపణలపై అధికారులు దృష్టి సారించాలన్నారు. ఇటీవల రేజర్లకు చెందిన వ్యక్తికి పాము కాటు వేయగా, సుమారు రెండున్నర గంటలపాటు యాంటీ స్నేక్ వెనం అందలేదని, పరిస్థితి విషమించడంతో ఖమ్మం తరలించాల్సి వచ్చిందన్నారు. ఇటువంటి ఘటనలు పునరావృతం కాకుండా అత్యవసర వైద్య సేవలను బలోపేతం చేయాలని సూచించారు. రాజకీయాలకు అతీతంగా పేదలకు నాణ్యమైన వైద్యం అందించాలని, ప్రజల ఆరోగ్యంతో చెలగాటం వద్దని సండ్ర వెంకట వీరయ్య స్పష్టం చేశారు. వైద్యులు, సిబ్బంది మానవతా దృక్పథంతో విధులు నిర్వహించి రోగులకు అందుబాటులో ఉండాలని కోరారు.

ఖమ్మం

బీజేపీ కిసాన్ మోర్చా జిల్లా కార్యదర్శిగా మీగడ గోపి

నేల కొండ పల్లి /ఖమ్మం భారతీయ జనతా పార్టీ కిసాన్ మోర్చా ఖమ్మం జిల్లా కార్యదర్శిగా పాలేరు నియోజకవర్గం నేలకొండపల్లి మండలం గువ్వలగూడెం గ్రామానికి చెందిన సీనియర్ నాయకులు మీగడ గోపి నియమితులయ్యారు. కిసాన్ మోర్చా జిల్లా అధ్యక్షులు నరకుళ్ళ వెంకటేశ్వరరావు ప్రకటించిన జిల్లా కార్యవర్గంలో గోపికి ఈ బాధ్యతలు అప్పగించారు. గతంలో బీజేపీ నేలకొండపల్లి మండల కార్యదర్శిగా, ప్రధాన కార్యదర్శిగా గోపి పనిచేశారు. 2019లో ఎంపీటీసీగా పోటీ చేశారు. ఈ సందర్భంగా మీగడ గోపి మాట్లాడుతూ తనపై నమ్మకంతో బాధ్యతలు అప్పగించిన రాష్ట్ర అధ్యక్షులు రామచంద్ర రావు, జాతీయ నాయకులు పొంగులేటి సుధాకర్ రెడ్డి, కిసాన్ మోర్చా రాష్ట్ర అధ్యక్షులు బస్వాపురం లక్ష్మి నరసయ్య, జిల్లా అధ్యక్షులు నెల్లూరి కోటేశ్వరరావు, కిసాన్ మోర్చా జిల్లా అధ్యక్షులు నరకుళ్ళ వెంకటేశ్వరరావు, పాలేరు ఇంచార్జి నున్నా రవికుమార్, సీనియర్ నాయకులు మందడపు సుబ్బారావు, కోటి హనుమంతరావు, జిల్లా, మండల నాయకత్వాలకు కృతజ్ఞతలు తెలిపారు. రైతాంగం ఎదుర్కొంటున్న సమస్యల పరిష్కారం కోసం నిరంతరం పోరాడుతానని గోపి పేర్కొన్నారు.

ఖమ్మం

22-ఏ భూములపై సమగ్ర విచారణకు ఖమ్మం జిల్లా బీజేపీ డిమాండ్

తెలంగాణ రాష్ట్రంలో నిషేధిత భూముల జాబితా 22-ఏలో పట్టా భూములు, ప్రైవేటు భూములను చేర్చి కాంగ్రెస్ ప్రభుత్వం లోని మంత్రులు, అధికారులు అక్రమంగా వేల కోట్ల రూపాయలు వసూలు చేస్తున్నారని ఖమ్మం జిల్లా బీజేపీ అధ్యక్షులు నెల్లూరి కోటేశ్వరరావు ఆరోపించారు. భూములను కాపాడాల్సిన రెవెన్యూ శాఖ మంత్రే కబ్జాదారుడిగా మారి లక్షల కోట్ల రూపాయల విలువైన భూములను ఆక్రమిస్తున్నారని విమర్శించారు. ఈ వ్యవహారాలన్నింటిపై సమగ్ర విచారణ జరిపించాలని డిమాండ్ చేశారు. జిల్లాలో 22-ఏ జాబితాలో ఉన్న ప్రతి సర్వే నంబర్‌కు సంబంధించిన భూములపై పూర్తిస్థాయి విచారణ చేపట్టాలని కోరారు. రాష్ట్ర పార్టీ పిలుపులో భాగంగా శనివారం ఖమ్మం కలెక్టర్ కార్యాలయంలో అధికారులకు వినతిపత్రం అందజేశారు. ఈ సందర్భంగా ప్రభుత్వ భూ రికార్డుల్లో అవకతవకలు, అక్రమంగా భూములను 22-ఏలో చేర్చిన అంశాలను పరిశీలించి బాధితులకు న్యాయం చేయాలని కోరారు. కార్యక్రమంలో బీజేపీ పాలేరు ఇంచార్జి నున్నా రవి కుమార్, ఓబీసీ మోర్చా జిల్లా అధ్యక్షులు రేఖ సత్య నారాయణ యాదవ్, కిసాన్ మోర్చా అధ్యక్షులు నరకుళ్ళ వెంకటేశ్వరరావు, ఎస్సీ మోర్చా అధ్యక్షులు బండ్ల రిగన్ ప్రతాప్, జిల్లా కార్యదర్శి శ్రీరామనేని మణి, దొడ్డ అరుణ, ఆపతి వెంకట రామారావు, గిరిజన మోర్చా అధ్యక్షులు టి. వీరభద్రం తదితరులు పాల్గొన్నారు.

ఖమ్మం

సోయబ్ ఉల్లా ఖాన్‌కు బీజేపీ నేతల నివాళి

ప్రముఖ పాత్రికేయుడు సోయబ్ ఉల్లా ఖాన్ వర్ధంతి సందర్భంగా తిరుమలాయపాలెం మండలం సుబ్లేడు గ్రామంలోని ఆయన విగ్రహానికి బీజేపీ నాయకులు ఘనంగా నివాళులర్పించారు. బిజెపి కిసాన్ మోర్చా తెలంగాణ రాష్ట్ర మాజీ అధ్యక్షులు, వరంగల్ జిల్లా బీజేపీ ఇంచార్జి కొండపల్లి శ్రీధర్ రెడ్డి, తక్కెళ్లపల్లి నరేంద్రతో పాటు పలువురు బీజేపీ నాయకులు సోయబ్ ఉల్లా ఖాన్ విగ్రహానికి పూలమాలలు వేసి నివాళులర్పించారు. నిజాం నిరంకుశత్వం, రజాకార్ల అరాచకాలను తన కలంతో ఎండగట్టిన ఆయన ధైర్యం, త్యాగం చిరస్మరణీయమని నాయకులు పేర్కొన్నారు. ప్రజల పక్షాన నిలిచిన ఆయన స్ఫూర్తిని నేటి తరాలు ఆదర్శంగా తీసుకోవాలని అన్నారు.

ఖమ్మం

పాత్రికేయుల హక్కుల కోసం పాదయాత్రకు బీజేపీ నేత కొండ పల్లి శ్రీధర్ రెడ్డి సంఘీభావం..

తెలంగాణ ఉద్యమ పల్లకిని మోసిన వారిలో పాత్రికేయుల పాత్ర మరువలేనిదని బీజేపీ కిసాన్ మోర్చా తెలంగాణ రాష్ట్ర మాజీ అధ్యక్షులు కొండపల్లి శ్రీధర్ రెడ్డి అన్నారు. రాష్ట్ర ఏర్పాట అనంతరం బీఆర్‌ఎస్, ప్రస్తుతం కాంగ్రెస్ ప్రభుత్వాలు పాత్రికేయుల పట్ల నిర్లక్ష్య వైఖరి అవలంబిస్తున్నాయని ఆరోపించారు. ఖమ్మం జిల్లాలో పాత్రికేయులకు ఇళ్ల స్థలాలు ఇస్తామని హామీ ఇచ్చి గత, ప్రస్తుత ప్రభుత్వాలు మభ్యపెట్టి మోసం చేశాయని విమర్శించారు. పాత్రికేయుల హక్కుల సాధన కోసం తెలంగాణ వర్కింగ్ జర్నలిస్ట్స్ ఫెడరేషన్ (TWJF) ఆధ్వర్యంలో సుబ్లేడు నుంచి నిర్వహించిన పాదయాత్రకు భారతీయ జనతా పార్టీ తరఫున సంఘీభావం తెలిపారు. నిజాం క్రూరత్వానికి బలైన తొలితరం పాత్రికేయుడు షోయబుల్లా ఖాన్ విగ్రహం వద్ద నుంచి పాదయాత్ర ప్రారంభమైంది.

ఖమ్మం

రైతు రుణమాఫీపై మంత్రి తుమ్మలకుమాజీ మంత్రి పువ్వాడ సవాల్..

ప్రజల ఆస్తులను కొల్లగొట్టేందుకు కాంగ్రెస్ ప్రభుత్వం ప్రయత్నిస్తోందని మాజీ మంత్రి, బీఆర్‌ఎస్ నేత పువ్వాడ అజయ్ కుమార్ ఆరోపించారు. రైతు రుణమాఫీ 100 శాతం పూర్తయి ఉంటే బహిరంగ చర్చకు సిద్ధం కావాలని మంత్రి తుమ్మల నాగేశ్వరరావుకు ఆయన సవాల్ విసిరారు. శనివారం ఖమ్మం నగరంలోని 1వ పట్టణ, 2వ పట్టణ బీఆర్‌ఎస్ కార్యకర్తల ఆత్మీయ సమ్మేళనంలో పువ్వాడ అజయ్ కుమార్ మాట్లాడారు. ముఖ్యమంత్రి రేవంత్ రెడ్డిని సొంత పార్టీ నేతలే విమర్శిస్తున్నప్పటికీ ఖమ్మం జిల్లాకు చెందిన ముగ్గురు మంత్రులు ఎందుకు మౌనం వహిస్తున్నారో అర్థం కాని పరిస్థితి నెలకొందని అన్నారు. కాంగ్రెస్ ప్రభుత్వం ప్రజా సమస్యలను, రైతుల ఇబ్బందులను పట్టించుకోవడం లేదని విమర్శించారు. బీఆర్‌ఎస్ కార్యకర్తలు ప్రజల సమస్యలపై నిరంతరం పోరాడాలని పిలుపునిచ్చారు. కార్యక్రమంలో బీఆర్‌ఎస్ జిల్లా ఇన్‌చార్జి ఏనుగు రాకేష్ రెడ్డి, నగర అధ్యక్షులు పగడాల నాగరాజు, ఖమ్మం కార్పొరేషన్ మాజీ డిప్యూటీ మేయర్ బత్తుల మురళి, బచ్చు విజయ్ కుమార్, కూరాకుల నాగభూషణం తదితరులు పాల్గొన్నారు.

ఖమ్మం

రేపు జనసేన శంఖారావం పోస్టర్ ఆవిష్కరణ

జనసేన పార్టీ ఆధ్వర్యంలో నిర్వహించనున్న ‘జనసేన శంఖారావం’ కార్యక్రమానికి సంబంధించిన పోస్టర్‌ను ఆదివారం ఆవిష్కరించనున్నారు. ఈ పోస్టర్ ఆవిష్కరణ కార్యక్రమం ఆదివారం మధ్యాహ్నం 12 గంటలకు ఖమ్మంలోని రెస్ట్ ఇన్ హోటల్ వేదికగా నిర్వహించనున్నట్లు జనసేన ఖమ్మం అసెంబ్లీ ఇంచార్జి మిరియాల రామకృష్ణ తెలిపారు. ఈ కార్యక్రమానికి ముఖ్య అతిథులుగా రామ్ తాల్లూరి, జనసేన తెలంగాణ రాష్ట్ర ప్రధాన కార్యదర్శి, డాక్టర్ గడలా శ్రీనివాస రావు, జనసేన తెలంగాణ రాష్ట్ర అధికార ప్రతినిధి హాజరుకానున్నారు. జనసేన పార్టీ బలోపేతం, ప్రజా సమస్యలపై పార్టీ చేపట్టనున్న కార్యక్రమాలు, రానున్న రోజుల్లో పార్టీ కార్యాచరణ తదితర అంశాలపై ఈ సందర్భంగా చర్చించనున్నట్లు తెలిపారు

ఖమ్మం

అసైన్మెంట్‌ భూముల జీవో 22 రద్దు చేయాలి అనే డిమాండ్ తో నేడు కలెక్టర్ఖ కి వినతి పత్రం అందజేయనున్న ఖమ్మం జిల్లా బిజెపి నేతలు.

అసైన్మెంట్‌ భూముల రెగ్యులేషన్‌కు సంబంధించి రెవెన్యూ శాఖ మంత్రి పొంగులేటి శ్రీనివాస్‌రెడ్డి తీసుకొచ్చిన జీవో నంబర్‌ 22ను వెంటనే రద్దు చేయాలని డిమాండ్‌ చేస్తూ బీజేపీ ఆధ్వర్యంలో శనివారం ఖమ్మం జిల్లా కలెక్టర్‌కు వినతిపత్రం సమర్పించనున్నారు. ఈ మేరకు బీజేపీ ఖమ్మం జిల్లా అధ్యక్షులు నెల్లూరి కోటేశ్వరరావు పార్టీ నాయకులు, కార్యకర్తలకు పిలుపునిచ్చారు. శనివారం ఉదయం 10.30 గంటలకు జిల్లా కలెక్టర్‌ను కలిసి వినతిపత్రం అందజేయనున్నట్లు తెలిపారు. అసైన్మెంట్‌ భూముల విషయంలో రైతులు, పేదలకు ఇబ్బందులు కలగకుండా ప్రభుత్వం చర్యలు తీసుకోవాలని కోరనున్నట్లు పేర్కొన్నారు. కార్యక్రమానికి పార్టీ నాయకులు, కార్యకర్తలు అధిక సంఖ్యలో హాజరై విజయవంతం చేయాలని నెల్లూరి కోటేశ్వరరావు విజ్ఞప్తి చేశారు.

ఖమ్మం

అక్షరం ఉన్నంత వరకు సోయబ్ ఉల్లా ఖాన్ అమరుడే. నేడు ప్రముఖ పాత్రికేయుడు సోయబ్ ఉల్లా ఖాన్ వర్ధంతి

నిజాం నిరంకుశ పాలన, కాసీం రజ్వీ నేతృత్వంలోని రజాకార్ల అరాచకాలను తన కలంతో ఎండగట్టిన ప్రముఖ పాత్రికేయుడు సోయబ్ ఉల్లా ఖాన్ వర్ధంతి నేడు. ఖమ్మం జిల్లా తిరుమలాయపాలెం మండలం సుబ్లేడు గ్రామానికి చెందిన సోయబ్ ఉల్లా ఖాన్, ‘ఇమ్రోజ్’ పత్రిక ద్వారా ప్రజల కష్టాలను, రజాకార్ల దురాగతాలను వెలుగులోకి తీసుకువచ్చారు. బెదిరింపులు, ఒత్తిళ్లకు ఏమాత్రం లొంగకుండా సత్యానికి, ప్రజల పక్షాన నిలిచారు. హైదరాబాద్‌లో రజాకార్ల ఆగడాలను నిర్భయంగా రాసిన ఆయనపై తీవ్ర ఆగ్రహం పెంచుకున్న రజాకార్లు 1948 ఆగస్టు 22న దాడికి పాల్పడ్డారు. సోయబ్ ఉల్లా ఖాన్‌పై కత్తులతో దాడి చేసి, ఆయన చేతులను నరికివేసి, అనంతరం కాల్పులు జరిపారు. తీవ్ర గాయాలతో ఆయన ప్రాణాలు కోల్పోయారు. అక్షరాన్ని ఆయుధంగా చేసుకుని అన్యాయాన్ని ప్రశ్నించిన ఆయన జీవితం నేటి పాత్రికేయులకు స్ఫూర్తిదాయకం. నిజం కోసం ప్రాణాలను సైతం లెక్కచేయని ఆయన త్యాగం చరిత్రలో చిరస్థాయిగా నిలిచిపోయింది. స్వేచ్ఛా భావ వ్యక్తీకరణకు, నిర్భయ పాత్రికేయతకు సోయబ్ ఉల్లా ఖాన్ ఒక ప్రతీకగా నిలిచారు. ఆయన వర్ధంతి సందర్భంగా ప్రజలు, పాత్రికేయులు ఘనంగా నివాళులర్పిస్తున్నారు. అక్షరం ఉన్నంత వరకు సోయబ్ ఉల్లా ఖాన్ అమరుడే.

ఖమ్మం

రైల్వే స్టేషన్‌లో ఎంపీ ఆకస్మిక తనిఖీ..

ఖమ్మం: జిల్లా కేంద్రంలోని ఖమ్మం రైల్వే స్టేషన్‌ను ఖమ్మం పార్లమెంట్ సభ్యులు రామసహాయం రఘురాం రెడ్డి బుధవారం సాయంత్రం ఆకస్మికంగా తనిఖీ చేశారు. సౌత్ సెంట్రల్ రైల్వేస్ డివిజనల్ ఇంజనీర్ శశాంక్, అసిస్టెంట్ డివిజనల్ ఇంజనీర్ రవితో కలిసి స్టేషన్‌లో జరుగుతున్న అభివృద్ధి పనులను పరిశీలించారు. పెండింగ్‌లో ఉన్న పనులు, వాటి పురోగతిపై అధికారులను అడిగి వివరాలు తెలుసుకున్నారు. అభివృద్ధి పనుల్లో జాప్యం జరగడంపై ఎంపీ అసంతృప్తి వ్యక్తం చేస్తూ, పెండింగ్ పనులను యుద్ధప్రాతిపదికన పూర్తి చేయాలని ఆదేశించారు. అనంతరం నగరంలోని గాంధీచౌక్‌లో సీనియర్ నాయకులు వి.వి. అప్పారావు మనవరాలి వివాహం సందర్భంగా వారి నివాసానికి ఎంపీ రామసహాయం రఘురాం రెడ్డి వెళ్లి వధూవరులను ఆశీర్వదించారు. ఈ కార్యక్రమంలో ప్రముఖ న్యాయవాది స్వామి రమేష్ కుమార్, కాంగ్రెస్ నాయకులు మిక్కిలినేని నరేంద్ర, కొప్పుల చంద్రశేఖర్ తదితరులు పాల్గొన్నారు.