Story highlights
- శ్రీకాళహస్తి పున్నమి టెంపుల్ న్యూస్, ఫిబ్రవరి 17: శ్రీకాళహస్తీశ్వర స్వామి వారి మహాశివరాత్రి వార్షిక బ్రహ్మోత్సవాలలో భాగంగా మంగళవారం నాడు చిత్తూరు జిల్లాలోని ప్రముఖ క్షేత్రం, స్వయంభూ శ్రీ వరసిద్ధి వినాయక స్వామి వారి కాణిపాకం దేవస్థానం తరఫున శ్రీకాళహస్తీశ్వరునికి, జ్ఞానప్రసూనాంబ అమ్మవారికి పట్టు వస్త్రాలను సమర్పించారు.
- మంగళవారం నాడు కాణిపాకం దేవస్థానం కార్యనిర్వహణాధికారి కె.
- పెంచల కిషోర్, ఆలయ అర్చకులతో కలసి పట్టు వస్త్రాలను మంగళ వాయిద్యాల నడుమ ఊరేగింపుగా ఆలయ రాజగోపురం వద్దకు చేరుకున్నారు.
శ్రీకాళహస్తి పున్నమి టెంపుల్ న్యూస్, ఫిబ్రవరి 17: శ్రీకాళహస్తీశ్వర స్వామి వారి మహాశివరాత్రి వార్షిక బ్రహ్మోత్సవాలలో భాగంగా మంగళవారం నాడు చిత్తూరు జిల్లాలోని ప్రముఖ క్షేత్రం, స్వయంభూ శ్రీ వరసిద్ధి వినాయక స్వామి వారి కాణిపాకం దేవస్థానం తరఫున శ్రీకాళహస్తీశ్వరునికి, జ్ఞానప్రసూనాంబ అమ్మవారికి పట్టు వస్త్రాలను సమర్పించారు. మంగళవారం నాడు కాణిపాకం దేవస్థానం కార్యనిర్వహణాధికారి కె. పెంచల కిషోర్, ఆలయ అర్చకులతో కలసి పట్టు వస్త్రాలను మంగళ వాయిద్యాల నడుమ ఊరేగింపుగా ఆలయ రాజగోపురం వద్దకు చేరుకున్నారు. వారికి శ్రీకాళహస్తి దేవస్థానం అధికారులు, అర్చకులు సంప్రదాయబద్ధంగా పూర్ణకుంభంతో స్వాగతం పలికారు. అనంతరం ఈ పట్టు వస్త్రాలను స్వామి, అమ్మవార్లకు సమర్పించి, ప్రత్యేక పూజలు నిర్వహించారు. ఏటా మహాశివరాత్రి బ్రహ్మోత్సవాల సమయంలో కాణిపాకం నుండి పట్టు వస్త్రాలు సమర్పించడం ఒక ఆనవాయితీగా వస్తోంది. బ్రహ్మోత్సవాల్లో భాగంగా స్వామి వారు విశేష వాహన సేవలో భక్తులకు దర్శనమిచ్చారు. శ్రీ స్వామి, అమ్మవార్ల కళ్యాణోత్సవం అత్యంత వైభవంగా జరగనుంది. భక్తులు భారీ సంఖ్యలో తరలివచ్చి ఈ దివ్య వేడుకను వీక్షించేందుకు ఆలయ అధికారులు అన్ని ఏర్పాట్లు పూర్తి చేశారు. మహాశివరాత్రి పర్వదినం ముగిసినా, బ్రహ్మోత్సవాల సంబరాలు శ్రీకాళహస్తి మాడ వీధుల్లో ఇంకా మిన్నంటుతున్నాయి. విద్యుత్ దీపాల అలంకరణలు, పుష్పవనాలుగా మారిన ఆలయ ప్రాంగణాలు భక్తులకు ఆధ్యాత్మిక అనుభూతిని పంచుతున్నాయి.
