Story highlights
- బుచ్చిరెడ్డిపాలెం ( పున్నమి ప్రతినిధి): సినీ నటుడు జూనియర్ ఎన్టీఆర్ పుట్టినరోజు సందర్భంగా బుచ్చిరెడ్డిపాలెం మండలం చెల్లాయపాలెం – వడ్డిపాలెం గ్రామంలో యువకులు, చిన్నారులు వినూత్నంగా సంబరాలు నిర్వహించి అందరి ప్రశంసలు అందుకున్నారు.
- బుధవారం అభిమాన హీరో జన్మదినాన్ని పురస్కరించుకుని గ్రామంలోని చిన్నపిల్లలు కలిసి ప్రత్యేక కార్యక్రమాలను నిర్వహించారు.
- ముందుగా బాణసంచా కాలుస్తూ, కేక్ కట్ చేసి హర్షాతిరేకాలతో పుట్టినరోజు వేడుకలను జరుపుకున్నారు.
మజ్జిగ చలివేంద్రం ఏర్పాటు చేసి తమ అభిమానాన్ని చాటుకున్న యువకులు
బుచ్చిరెడ్డిపాలెం ( పున్నమి ప్రతినిధి): సినీ నటుడు జూనియర్ ఎన్టీఆర్ పుట్టినరోజు సందర్భంగా బుచ్చిరెడ్డిపాలెం మండలం చెల్లాయపాలెం – వడ్డిపాలెం గ్రామంలో యువకులు, చిన్నారులు వినూత్నంగా సంబరాలు నిర్వహించి అందరి ప్రశంసలు అందుకున్నారు. బుధవారం అభిమాన హీరో జన్మదినాన్ని పురస్కరించుకుని గ్రామంలోని చిన్నపిల్లలు కలిసి ప్రత్యేక కార్యక్రమాలను నిర్వహించారు.
ముందుగా బాణసంచా కాలుస్తూ, కేక్ కట్ చేసి హర్షాతిరేకాలతో పుట్టినరోజు వేడుకలను జరుపుకున్నారు. “జై ఎన్టీఆర్”, “హ్యాపీ బర్త్‌డే తారక్ అన్న” అంటూ నినాదాలు చేస్తూ సందడి చేశారు. యువకులు ఉత్సాహం గ్రామంలో పండుగ వాతావరణాన్ని తలపించింది.అయితే కేవలం కేక్ కట్ చేసి వేడుకలు జరుపుకోవడానికే పరిమితం కాకుండా, సమాజానికి ఉపయోగపడే విధంగా సేవా కార్యక్రమం కూడా చేపట్టడం అందరినీ ఆకట్టుకుంది. బుచ్చిరెడ్డిపాలెం-జొన్నవాడ మెయిన్ రోడ్డుపై ప్రత్యేకంగా టెంట్ ఏర్పాటు చేసి మజ్జిగ చలివేంద్రాన్ని ప్రారంభించారు. వేసవి ఎండలు తీవ్రంగా ఉండటంతో రహదారిపై వెళ్తున్న వాహనదారులను ఆపి వారికి చల్లని మజ్జిగ అందించారు.యువకులు స్వయంగా గ్లాసుల్లో మజ్జిగ పోసి వాహనదారులకు అందించడం చూసిన ప్రజలు ఆశ్చర్యం వ్యక్తం చేశారు. “ఇంత చిన్న వయసులోనే సేవా భావంతో ముందుకు రావడం గొప్ప విషయం” అంటూ పలువురు వారిని అభినందించారు. కొందరు వాహనదారులు యువకులు దీవిస్తూ, వారి అభిమాన హీరోలాగే మంచి మనసుతో ఎదగాలని ఆశీర్వదించారు.
ఈ సందర్భంగా యువకులు మాట్లాడుతూ తమ అభిమాన నటుడు జూనియర్ ఎన్టీఆర్ అన్న జన్మదినాన్ని ప్రత్యేకంగా గుర్తుండిపోయేలా జరుపుకోవాలని భావించామని తెలిపారు. కేవలం సంబరాలు చేసుకోవడం కాకుండా ప్రజలకు ఉపయోగపడే కార్యక్రమం నిర్వహించాలని నిర్ణయించి మజ్జిగ పంపిణీ చేపట్టామని చెప్పారు. ప్రజలు తమ కార్యక్రమాన్ని అభినందించడం చాలా ఆనందంగా ఉందన్నారు.
గ్రామ పెద్దలు మాట్లాడుతూ నేటి యువత, చిన్నారులు సెలబ్రిటీల పుట్టినరోజులను సేవా కార్యక్రమాలతో జరుపుకోవడం మంచి పరిణామమని అన్నారు. చిన్నారుల్లో పెరుగుతున్న సేవా దృక్పథం సమాజానికి ఆదర్శంగా నిలుస్తుందని కొనియాడారు. గ్రామస్తులు కూడా చిన్నారుల చొరవను అభినందిస్తూ కార్యక్రమాన్ని విజయవంతం చేశారు.ఈ కార్యక్రమంలో గ్రామ యువకులు, చిన్నారులు, స్థానిక ప్రజలు పెద్ద సంఖ్యలో పాల్గొన్నారు. మజ్జిగ చలివేంద్రం సాయంత్రం వరకు కొనసాగి వందలాది మంది వాహనదారులకు ఉపశమనం కలిగించింది.ఈ కార్యక్రమం లో వద్దిపాలెం యువకులు తురకా హర్షవర్ధన్,తురకా ధనుష్ ,తురకా హేమంత్ , వల్లెపు జనేష్ , జ్ఞానేష్,రేవంత్ ,దీక్షిత్ , తరుణ్ మరియు గ్రామస్తులు పాల్గొన్నారు .
