खबर की मुख्य बातें
- కాకినాడ జిల్లా ప్రతినిధి,అక్టోబర్ 6(పున్నమి న్యూస్): కరప మండలంలోని పలు గ్రామాల్లో ప్రజల మౌలిక సదుపాయాల అభివృద్ధికి ప్రాధాన్యతనిస్తూ చేపట్టిన సీసీ రోడ్ల నిర్మాణ పనులను గౌరవ కాకినాడ రూరల్ ఎమ్మెల్యే పంతం నానాజీ మంగళవారం ప్రారంభించారు.
- కరప మండలంలోని పెనుగుదురు, గొర్రిపూడి, పెద్దాపురప్పాడు, యండమూరు, జి.
- భావారం, సిరిపురం, కూరాడ, వలసపాకలు, జెడ్.
కాకినాడ జిల్లా ప్రతినిధి,అక్టోబర్ 6(పున్నమి న్యూస్):
కరప మండలంలోని పలు గ్రామాల్లో ప్రజల మౌలిక సదుపాయాల అభివృద్ధికి ప్రాధాన్యతనిస్తూ చేపట్టిన సీసీ రోడ్ల నిర్మాణ పనులను గౌరవ కాకినాడ రూరల్ ఎమ్మెల్యే పంతం నానాజీ మంగళవారం ప్రారంభించారు.
కరప మండలంలోని పెనుగుదురు, గొర్రిపూడి, పెద్దాపురప్పాడు, యండమూరు, జి. భావారం, సిరిపురం, కూరాడ, వలసపాకలు, జెడ్. భావారం గ్రామాల్లో మొత్తం ₹3 కోట్ల 70 లక్షల అంచనా వ్యయంతో చేపట్టిన 30 సీసీ రోడ్ల పనులకు ఎమ్మెల్యే పంతం నానాజీ ప్రారంభోత్సవం నిర్వహించారు.
గ్రామీణ ప్రాంతాల్లో ప్రజలు ఎదుర్కొంటున్న రహదారి సమస్యలకు శాశ్వత పరిష్కారం కల్పించడంతో పాటు, ప్రతి గ్రామంలో మెరుగైన రవాణా సౌకర్యాలు,సురక్షితమైన రహదారులు,మెరుగైన మౌలిక వసతులు కల్పించడమే లక్ష్యంగా ఈ అభివృద్ధి పనులను చేపట్టినట్లు ఎమ్మెల్యే తెలిపారు.
సీసీ రోడ్ల నిర్మాణం పూర్తయిన తర్వాత ఆయా గ్రామాల్లో ప్రజల రాకపోకలు సులభతరం కావడంతో పాటు, వర్షాకాలంలో రోడ్లు బురదమయం కావడం, రాకపోకలకు ఇబ్బందులు ఎదురవడం వంటి సమస్యలు తగ్గనున్నాయి. ముఖ్యంగా గ్రామాల అంతర్గత రహదారులు మెరుగుపడటంతో విద్యార్థులు, రైతులు, మహిళలు, వృద్ధులు మరియు సాధారణ ప్రజలకు ఎంతో ప్రయోజనం కలగనుంది.
ప్రజలకు అవసరమైన మౌలిక వసతులను దశలవారీగా అభివృద్ధి చేస్తూ, కాకినాడ రూరల్ నియోజకవర్గాన్ని సమగ్రంగా అభివృద్ధి చేయడమే లక్ష్యంగా ముందుకు సాగుతున్నామని ఎమ్మెల్యే పంతం నానాజీ పేర్కొన్నారు. అభివృద్ధి పనుల్లో నాణ్యతా ప్రమాణాలను పాటించి, పనులను నిర్ణీత కాలవ్యవధిలో పూర్తి చేయాలని సంబంధిత అధికారులకు సూచించారు.ఈ కార్యక్రమాల్లో ప్రజాప్రతినిధులు, సంబంధిత అధికారులు, కూటమి నాయకులు, కార్యకర్తలు మరియు ఆయా గ్రామాల ప్రజలు పాల్గొన్నారు.
