खबर की मुख्य बातें
- ఓటర్ స్లిప్పులు అందకపోయినా ఆందోళన వద్దు: కమిషనర్ నందన్ నగరపాలక సంస్థ సాధారణ ఎన్నికల్లో బ్యాలెట్ ద్వారా ఓటు వేసే విధానంపై శుక్రవారం కమిషనర్ చాంబర్‌లో అవగాహన కార్యక్రమం నిర్వహించారు.
- జిల్లా కలెక్టర్, జిల్లా ఎన్నికల అధికారి ఆదేశాల మేరకు కమిషనర్ వై.ఓ.
- నందన్ సమక్షంలో మాస్టర్ ట్రైనర్ కనకరాజు విలేకరుల ద్వారా ఓటర్లకు సూచనలు అందించారు.
ఓటర్ స్లిప్పులు అందకపోయినా ఆందోళన వద్దు: కమిషనర్ నందన్
నగరపాలక సంస్థ సాధారణ ఎన్నికల్లో బ్యాలెట్ ద్వారా ఓటు వేసే విధానంపై శుక్రవారం కమిషనర్ చాంబర్‌లో అవగాహన కార్యక్రమం నిర్వహించారు. జిల్లా కలెక్టర్, జిల్లా ఎన్నికల అధికారి ఆదేశాల మేరకు కమిషనర్ వై.ఓ. నందన్ సమక్షంలో మాస్టర్ ట్రైనర్ కనకరాజు విలేకరుల ద్వారా ఓటర్లకు సూచనలు అందించారు.
నవంబర్ ఒకటో తేదీన జరగనున్న ఎన్నికలకు సంబంధించి శుక్రవారం సాయంత్రం ఐదు గంటలకు అభ్యర్థులు ప్రచారం ముగించి, ఎన్నికల నియమావళిని పాటించాలని కమిషనర్ సూచించారు. ఓటర్ స్లిప్పులు అందనివారు ఆందోళన చెందాల్సిన అవసరం లేదని, పోలింగ్ రోజు కూడా సంబంధిత బీఎల్‌ఓలను సంప్రదించి పొందవచ్చని తెలిపారు.
మేయర్ ఎన్నికకు గులాబీ రంగు, కార్పొరేటర్ ఎన్నికకు తెలుపు రంగు బ్యాలెట్ పేపర్లు అందజేస్తారని కనకరాజు వివరించారు. ఎంచుకున్న అభ్యర్థి గుర్తుపై స్వస్తిక్ ముద్ర వేసి, సిరా ఇతర అభ్యర్థుల గుర్తులకు అంటకుండా సూచించిన విధంగా మడిచి బ్యాలెట్ పెట్టెలో వేయాలని తెలిపారు. గులాబీ బ్యాలెట్‌ను నాలుగు మడతలుగా, తెలుపు బ్యాలెట్‌ను సగానికి మడిచే విధానాన్ని వివరించారు.
పోలింగ్ అధికారుల సూచనలను జాగ్రత్తగా పాటించి, ఓటు చెల్లుబాటయ్యేలా తమ ఓటు హక్కును వినియోగించుకోవాలని కమిషనర్ కోరారు.
समाचार स्रोत
- Punnami Reportingस्वयं की रिपोर्टिंग
