నెల్లూరు ఎనెల్ ఆసుపత్రిలో అరుదైన శస్త్రచికిత్స – బాధితురాలు నాగలక్ష్మి ఆరోగ్యంగా డిశ్చార్జ్ – కుటుంబసభ్యుల ఆనందానికి అవధులు లేవు
జయప్రతాప్ రెడ్డి, నెల్లూరు బ్యూరో – ఏప్రిల్ పున్నమి న్యూస్
నెల్లూరులో వైద్యం రంగంలో ప్రత్యేక స్థానం కలిగి ఉన్న ఎనెల్ (NL) ఆసుపత్రి మరో అరుదైన వైద్య విజయం సాధించింది. ఎన్నో ఆసుపత్రుల చుట్టూ తిరిగి, ఎంతో నిరాశతో చివరికి ఎనెల్ ఆసుపత్రిని ఆశ్రయించిన ఆత్మకూరు కు చెందిన నాగలక్ష్మికి కిడ్నీలో రాయి సమస్య పరిష్కారమై ఆమె కుటుంబం ఆనందంలో మునిగిపోయింది.
నాగలక్ష్మికి గత కొన్ని నెలలుగా తీవ్రమైన కడుపునొప్పి, మూత్ర సంబంధిత ఇబ్బందులు ఏర్పడ్డాయి. స్థానికంగా ఉండే కొన్ని చిన్న ఆసుపత్రులు, తరువాత కొన్ని ప్రముఖ హాస్పిటల్స్ ను సంప్రదించినా, ఆమెకు సరైన ఉపశమనం దొరకలేదు. చివరకు ఆమెకు కిడ్నీలో పెద్ద రాయి ఉందని వైద్యులు గుర్తించారు. అయితే ఆమెకు ఉన్న హృద్రోగ సమస్య వల్ల శస్త్రచికిత్స చేయడం కష్టమని కొంతమంది వైద్యులు చెప్పారు. ఇదే సమయంలో, ఆత్మకూరుకు చెందిన శ్రీనివాస్ రెడ్డి అనే వ్యక్తి సూచనతో ఎనెల్ ఆసుపత్రికి ఆమె వచ్చింది.
ఎనెల్ ఆసుపత్రిలో యూరాలజీ స్పెషలిస్ట్ డాక్టర్ సాయికృష్ణ బాధితురాలిని పరిశీలించి, అన్ని అవసరమైన పరీక్షలు నిర్వహించారు. రాయి స్థానం, పరిమాణం, ఆమె హృద్రోగ పరిస్థితిని పరిగణనలోకి తీసుకుని, అత్యాధునిక లేజర్ సాంకేతికతతో ఆపరేషన్ చేయవచ్చని హామీ ఇచ్చారు. ఇది నాగలక్ష్మి కుటుంబానికి గొప్ప ఊరట కలిగించింది.
పూర్తి సన్నద్ధతతో, శ్రద్ధతో, ఆసుపత్రి బృందం డాక్టర్ సాయికృష్ణ నేతృత్వంలో ఆపరేషన్‌ను విజయవంతంగా నిర్వహించింది. శస్త్రచికిత్స అనంతరం ఆమె ఆరోగ్యం త్వరగా మెరుగుపడింది. గురువారం ఆమె ఆరోగ్యంగా ఆసుపత్రి నుండి డిశ్చార్జ్ అయ్యారు. ఈ సందర్భంగా ఆమె భర్త మాట్లాడుతూ – “పెద్ద పెద్ద నగరాలలో ఖరీదైన వైద్యం మాకు అందుబాటులో లేదు. కాని ఎనెల్ ఆసుపత్రిలో అత్యుత్తమ సేవలు తక్కువ వ్యయంతో అందాయి. ఇది నిజంగా ఆశ్చర్యకరమైన విషయం” అని అన్నారు.
ఆసుపత్రి వ్యవస్థాపకులు డా. కులారి నాగేంద్ర ప్రసాద్, ఛైర్మన్ దశరధ నాగేంద్ర, అలాగే వైద్య సేవల ప్రధాన బాధ్యత వహిస్తున్న డా. సాయికృష్ణకు వారు హృదయపూర్వక కృతజ్ఞతలు తెలిపారు. “ఇది మా కుటుంబానికి రెండవ జన్మ లాంటిది. ఇంత క్లిష్టమైన సమస్యకు పరిష్కారం చూపిన ఎనెల్ వైద్య బృందానికి జీవితాంతం రుణపడి ఉంటాం” అని నాగలక్ష్మి సోదరి పేర్కొన్నారు.
డాక్టర్ సాయికృష్ణ మాట్లాడుతూ, “ఇలాంటి క్లిష్టమైన కేసుల్లో పేషెంట్ ఆరోగ్య చరిత్రను పూర్తిగా విశ్లేషించి, సరైన సాంకేతికతను ఉపయోగించి చికిత్స చేయడం వల్ల మంచి ఫలితాలు లభిస్తాయి. లేజర్ ద్వారా రాయి తొలగింపు వల్ల రికవరీ వేగంగా జరుగుతుంది” అని వివరించారు.