संपर्क करें ताज़ा खबरें
सच्ची खबर। तेज़ जानकारी। आंध्र प्रदेश • तेलंगाना • राष्ट्रीय
लेखक पैनल
एनटीआर जिला

ఎన్టీఆర్ జిల్లా నూతన చైర్ పర్సన్ కోట పుల్లమ్మ ప్రమాణ స్వీకారం ఎమ్మెల్యే వసంత వెంకటకృష్ణ ప్రసాద్

पुन्नमी न्यूज़रूम प्रकाशित:
ఎన్టీఆర్ జిల్లా నూతన చైర్ పర్సన్ కోట పుల్లమ్మ ప్రమాణ స్వీకారం ఎమ్మెల్యే వసంత వెంకటకృష్ణ ప్రసాద్

ఎన్టీఆర్ జిల్లా పరిషత్‌లో కూటమి ఐక్యతకు ప్రతీకగా నూతన నాయకత్వం.

చైర్‌పర్సన్‌గా కోట పుల్లమ్మ.. వైస్ చైర్మన్‌గా నూతులపాటి బాలకోటేశ్వరరావు (బాల) ఎన్నిక

ప్రమాణ స్వీకార కార్యక్రమానికి హాజరై నూతన బాధ్యతలు చేపట్టిన నేతలకు అభినందనలు తెలిపిన ఎమ్మెల్యే వసంత వెంకట కృష్ణప్రసాదు గారు

ఎన్టీఆర్ జిల్లా, విజయవాడ, 20/11/2026.

ఎన్టీఆర్ జిల్లా పరిషత్‌లో ఎన్డీఏ కూటమి నూతన నాయకత్వం కొలువుదీరింది. జిల్లా పరిషత్ చైర్‌పర్సన్‌గా గంపలగూడెం మండలానికి చెందిన కోట పుల్లమ్మ ఎన్నిక కాగా, వైస్ చైర్మన్‌గా భారతీయ జనతా పార్టీ నాయకులు, ఎన్డీఏ కూటమి నేత నూతులపాటి బాలకోటేశ్వరరావు (బాల) ఎన్నికయ్యారు. శుక్రవారం జిల్లా పరిషత్ కార్యాలయంలో నిర్వహించిన ఎన్నికల ప్రక్రియ అనంతరం ఇరువురూ నూతన బాధ్యతలు స్వీకరించి ప్రమాణ స్వీకారం చేశారు.

ఈ కార్యక్రమానికి మైలవరం శాసనసభ్యులు, తెలుగుదేశం పార్టీ రాష్ట్ర అధికార ప్రతినిధి వసంత వెంకట కృష్ణప్రసాదు గారు ముఖ్య అతిథిగా హాజరయ్యారు. నూతనంగా ఎన్నికైన చైర్‌పర్సన్ కోట పుల్లమ్మ గారిని, వైస్ చైర్మన్ నూతులపాటి బాలకోటేశ్వరరావు (బాల) గారిని అభినందించి, వారి నూతన ప్రస్థానం విజయవంతం కావాలని ఆకాంక్షిస్తూ హృదయపూర్వక శుభాకాంక్షలు తెలియజేశారు.

కూటమి సమన్వయానికి మరో నిదర్శనం..

జిల్లా పరిషత్‌లో తెలుగుదేశం పార్టీ, భారతీయ జనతా పార్టీ నాయకులకు కీలక బాధ్యతలు దక్కడం ఎన్డీఏ కూటమి మధ్య ఉన్న పరస్పర విశ్వాసానికి, ఐక్యతకు, సమన్వయానికి ప్రతిబింబంగా నిలిచింది. కూటమి భాగస్వామ్య పక్షాలకు సముచిత ప్రాధాన్యత కల్పిస్తూ ముందుకు సాగుతున్న నాయకత్వానికి ఈ ఎన్నికలు మరో నిదర్శనంగా నిలిచాయి. నూతన నాయకత్వం బాధ్యతలు చేపట్టడంతో కూటమి శ్రేణుల్లో ఉత్సాహం నెలకొంది.

గ్రామీణ అభివృద్ధికి కొత్త ఊతం..

జిల్లా పరిషత్ పరిధిలోని గ్రామీణ ప్రాంతాల సమగ్ర అభివృద్ధి, మౌలిక సదుపాయాల కల్పన, ప్రజా సమస్యల పరిష్కారం, ప్రభుత్వ సంక్షేమ పథకాల అమలులో నూతన చైర్‌పర్సన్, వైస్ చైర్మన్‌లు చురుకైన పాత్ర పోషిస్తారని ఎమ్మెల్యే వసంత కృష్ణ ప్రసాద్ గారు ఆశాభావం వ్యక్తం చేశారు. ప్రజాప్రతినిధులు, అధికార యంత్రాంగంతో సమన్వయం చేసుకుంటూ జిల్లాలో అభివృద్ధి కార్యక్రమాలను మరింత ముందుకు తీసుకెళ్లాలని ఆకాంక్షించారు.

ఈ ప్రమాణ స్వీకార కార్యక్రమంలో జిల్లా ప్రజాప్రతినిధులు, అధికారులు, తెలుగుదేశం, భారతీయ జనతా పార్టీ, జనసేన పార్టీల నాయకులు, కూటమి ముఖ్య నేతలు, కార్యకర్తలు పెద్ద సంఖ్యలో పాల్గొని నూతనంగా ఎన్నికైన చైర్‌పర్సన్, వైస్ చైర్మన్‌లకు అభినందనలు తెలియజేశారు.

ఎన్టీఆర్ జిల్లా నూతన చైర్ పర్సన్ కోట పుల్లమ్మ ప్రమాణ స్వీకారం ఎమ్మెల్యే వసంత వెంకటకృష్ణ ప్రసాద్

ఎన్టీఆర్ జిల్లా నూతన చైర్ పర్సన్ కోట పుల్లమ్మ ప్రమాణ స్వీకారం ఎమ్మెల్యే వసంత వెంకటకృష్ణ ప్రసాద్

Leave a comment

Your email address will not be published. Required fields are marked *