ఉదయగిరి ఆర్టీసీ డిపోను నెలవారీ సాధారణ తనిఖీల్లో భాగంగా శనివారం రీజినల్ మేనేజర్ షమీమ్ సందర్శించారు. ఈ సందర్భంగా డిపో నిర్వహణ, అభివృద్ధి పనులు, ప్రయాణికులకు మెరుగైన సేవలు అందించేందుకు తీసుకోవాల్సిన చర్యలపై అధికారులకు సూచనలు చేశారు. డిపో పరిసరాలు, నిర్వహణ తీరును పరిశీలించారు. డిసెంబర్ నాటికి నెల్లూరులో 13, ఉదయగిరి డిపోలో ఒక ఎలక్ట్రిక్ బస్సు ఛార్జింగ్ స్టేషన్ ఏర్పాటు చేసేందుకు ఇప్పటికే చర్యలు చేపట్టినట్లు తెలిపారు. పర్యావరణహిత రవాణా సేవలను అందించేందుకు ఆర్టీసీ సిద్ధమవుతోందని పేర్కొన్నారు.
