వరంగల్ ఆఫీసర్స్ క్లబ్‌లో గత కొన్ని సంవత్సరాలుగా కొనసాగుతున్న భారీ ఆర్థిక దోపిడీ వ్యవహారం వెలుగు చూసింది. క్లబ్ మేనేజర్‌గా పని చేసిన గోలి గోపాల్ రెడ్డి, అప్పటి జాయింట్ సెక్రటరీ చేరుకు వెంకట రాజీరెడ్డి, మరియు షటిల్ బాయ్ పొడిశెట్టి రవీందర్ ముగ్గురు కలిసి మొత్తం రూ.2 కోట్లకు పైగా సభ్యత్వ డబ్బులను క్లబ్ అకౌంట్స్‌లో నమోదు చేయకుండా స్వంత అవసరాలకు వాడుకున్నారని విచారణలో తేలింది.
🧾 అక్రమ సభ్యత్వాల వ్యాపారం:
గోపాల్ రెడ్డి, క్లబ్ ఎంట్రీ ఫీజు రూ.1,40,000/- అంటూ అసత్య సమాచారం చెప్పి, కొత్తగా వచ్చిన 145 మంది నుంచి డబ్బులు వసూలు చేసి వారికి నకిలీ ID కార్డులు ఇచ్చేవాడు. కానీ క్లబ్ మినిట్స్ బుక్‌లో ఎలాంటి నమోదు జరగలేదు. ఈ విధంగా రూ.1.3 కోట్ల వరకు గోపాల్ రెడ్డి దారి మళ్లించాడు.
2019లో జాయింట్ సెక్రటరీగా ఉన్న చేరుకు వెంకట రాజీరెడ్డి కూడా గోపాల్ రెడ్డితో కలిసి మరో రూ.60 లక్షలు వసూలు చేసి కట్టలేదు. వీరిద్దరి సూపరిచయంలో ఉన్న రవీందర్ కూడా సభ్యత్వాల పేరుతో రూ.1.5 లక్షల నుంచి రూ.2 లక్షల వరకు వసూలు చేస్తూ, రూ.10 లక్షలు వరకు స్వాధీనం చేసుకున్నాడు.
💔 ఆత్మహత్యకు దారి తీసిన మోసం:
ఈ వ్యవహారం లో నష్టపోయిన క్లబ్ బార్‌లో పనిచేసే శ్రీనివాసు, వీరి మాటలు నమ్మి సభ్యులను తీసుకురావడానికి సిద్ధమయ్యాడు. అయితే, ప్రామిసులు నిలబెట్టుకోకపోవడంతో తీవ్ర మనోవేదనకు లోనై, 2024, ఏప్రిల్ 18వ తేదీన, మొదటి అంతస్తులో ఉరేసుకుని ఆత్మహత్య చేసుకున్నాడు. మృతి ముందు తన కుమారుని సెల్‌ఫోన్‌కు వీడియో సందేశం పంపాడు – తన చావుకు బాధ్యులు గోపాల్ రెడ్డి, రాజీరెడ్డి మరియు రవీందర్ అని అందులో పేర్కొన్నాడు.
🕵🏻♂️ పోలీసులు రంగంలోకి:
ఈ ఘటనపై సుబేదారి పోలీస్ స్టేషన్ లో కేసు నమోదు కాగా, ముగ్గురు నిందితులు క్లబ్‌లో సమావేశం కోసం వచ్చినపుడు పోలీస్‌లు వారిని అదుపులోకి తీసుకున్నారు. క్లబ్ ఏర్పాటు చేసిన కమిటీ నివేదిక ప్రకారం ఈ ముగ్గురు కలిసి రూ.2 కోట్లు స్వాహా చేశారు.
🏅 పోలీసులు ప్రశంసల వర్షం:
ఈ కేసులో విచారణను సమర్థంగా నిర్వహించిన రామ రావు, ASI వెంకటేశ్వరరావు, హెడ్ కానిస్టబుళ్లు శ్రీనివాస స్వామి, లోషన్ అలీ, మరియు PC లు ఉమేశ్, దేవేందర్ లను సుబేదారి ఇన్స్పెక్టర్ శ్రీ పి. సత్యనారాయణ రెడ్డి ప్రత్యేకంగా అభినందించారు.
